ກວາງ / Sambar

    ຫົວ ແລະ ລຳໂຕ ຍາວ: 180-200 ຊມ. ຫາງ ຍາວ: 25-28 ຊມ. ເປັນກວາງທີ່ໃຫຍ່ ແລະ ແຂງແຮງ, ຜິວໜັງ ແລະ ຂົນເປັນສີນ້ຳຕານເຂັ້ມ. ປົກກະຕິແລ້ວມີກິ່ງເຂົາແຂງແຮງ ແຕ່ລະຂ້າງມີໜາມແຫລມ 3 ອັນ. ຢູ່ຂ້າງລຸ່ມຂອງຫາງເປັນສີຂາວ ແລະ ໃຊ້ໄວ້ສົ່ງສັນຍານ. ເພດຜູ້ຈະມີຂະໜາດໃຫຍ່ກວ່າເພດແມ່, ຂົນຍາບແຂງ ແລະ ອອກຫ່າງໆ, ຂົນຕາມໂຕຍາວປະມານ 2-4 ຊມ, ຂົນຮອບຄໍຂອງກວາງເພດຜູ້ຈະຍາວປະມານ 7-10 ຊມ, ຫາງເປັນພວງຂ້ອນຂ້າງສັ້ນ ແລະ ມີແອງນ້ຳຕາຂະໜາດໃຫຍ່ຢູ່ເທິງຕາທັງສອງຂ້າງ
     ອຸປະນິໄສ: ມັກຢູ່ກັນເປັນກຸ່ມໃນກຸ່ມມີຂະໜາດແຕກຕ່າງກັນ. ຕາມທໍາມະດາແລ້ວເປັນສັດຫາກິນກາງຄືນ ດັ່ງນັ້ນມັນອາດເຄື່ອນໄຫວໃນຕອນເຊົ້າໆ ແລະ ຕອນຫົວຄໍ່າໃນບໍລິເວນທີ່ມີຄວາມກົດດັນດ້ານການລ່າເນື້ອຕ່ຳ, ສ່ວນກາງເວັນຈະນອນໃນພື້ນທີ່ຮົກ, ມັກອອກຫາກິນຕາມແຄມນ້ຳ ແລະ ປ່າໂປ່ງ, ມັກນອນແຊ່ໂຄນຄືກັບຄວາຍເພື່ອປ້ອງກັ່ນແມງໄມ້. ໃນລະດູການຂະຫຍາຍພັນປະກົດຂຶ້ນໃນເດືອນພະຈິກ ເຖິງເດືອນ ມັງກອນ, ໃນລະດູປະສົມພັນໂຕຜູ້ຈະດຸຮ້າຍເພື່ອຍາດໂຕແມ່, ລອຍນ້ຳເກັ່ງ ແລະ ຄ່ອງແຄວ.
    ຖິ່ນອາໄສ: ພົບອາໄສຢູ່ໃນຫລາຍບ່ອນ, ປົກກະຕິພົບຢູ່ໄກ້ກັບປ່າ, ຫາຍາກໃນປ່າໄມ້ດິບທີ່ມີຕົ້ນສູງ. ປະກົດມີຢູ່ທົ່ວປະເທດ
    ອາຫານ: ມັກກິນໃບໄມ້ ແລະ ຍອດອ່ອນຂອງພືດຫຼາຍກວ່າຫຍ້າ, ອາຫານທຳມະຊາດຂອງກວາງແມ່ນເຄື່ອອ່ອນ, ຍອດອ່ອນຂອງໄມ້ຟຸ່ມຕ່ຳ, ໃບໄມ້, ຫຍ້າທີ່ກຳລັງປົ່ງ ແລະ ມັກກິນດິບປົ່ງຫຼາຍ.