Return to Knowledge Base

ນາກໃຫຍ່ທາໍມະດາ / Eurasian Otter

Cite
ການນຳໃຊ້
ອາຫານ
ຊື່ວິທະຍາສາດ / ຕະກຸນ
Lutra lutra (Linnaeus, 1758) / Mustelidae
ຊື່ພ້ອງ
Mustela lutra Linnaeus, 1758
Lutra vulgaris Erxleben, 1777
ຊື່ອື່ນ
ໄທ: ນາກໃຫຍ່ທຳມະດາ ຫຼື ນາກຢູໂຣບ.
ຊື່ສາມັນ: Eurasian otter, European otter, Eurasian river otter, common otter ແລະ Old World otter.
ສະຖານະພາບການອະນຸລັກ
Endangered
ພັນລະນາລັກສະນະສັນຖານ

       ຫົວ ແລະ ລາວຍາວ: 54–74 ຊມ. ຫາງຍາວ: 37-48 ຊມ.  ເປັນນາກຊະນິດໃຫຍ່, ມີຂົນສັ້ນ ແລະ ຍາວປົນກັນ, ປາຍຂົນມີລັກສະນະເປັນສີຂາວ, ດ້ານທ້ອງມີສີຈາງກວ່າດ້ານຫຼັງ, ເຂດຄໍ ແລະ ເອິກເຂດເທິງມີລັກສະນະເປັນສີຂາວ. ພວກມັນມີດັງເປືອຍ, ຫົວຂອງສັດເພດຜູ້ທີ່ມີອາຍຸແກ່ຈະມີລັກສະນະເກືອບຊື່ຖ້າທຽບໃສ່ຫົວຂອງນາກໃຫຍ່, ຂົນລຽບ, ຫົວມີລັກສະນະມົນກວ່າ ແລະ ຫາງຂອງມັນມີລັກສະນະແປ ແຕ່ນາກໃຫຍ່ຂົນລຽບຫາງມີລັກສະນະຄືໄມ້ພາຍ.

       ອຸປະໄສ: ພວກມັນຢູ່ໃກ້ໆກັບດິນທາມ ເຊິ່ງເປັນບ່ອນທີ່ພວກມັນຫາກິນປາ, ປູ, ຫອຍ, ກຸ້ງ ແລະ ກົບຂຽດ. ບາງຄັ້ງຄາວພົບຢູ່ໄກຈາກບ່ອນນໍ້າ. 

       ຖິ່ນອາໄສ: ພົບຕາມແມ່ນ້ຳ, ໜອງນ້ຳ, ບາງເທື່ອອາດພົບຢູ່ເຂດພູຢູ່ພາກເໜືອຂອງລາວ, ມີການລາຍງານຈາກແຂວງຜົ້ງສາລີເທົ່ານັ້ນ ແລະ ນັບແຕ່ປີ 1929 ແມ່ນບໍ່ມີການລາຍງານເລີຍ, ປະຈຸບັນຖືວ່າເປັນສັດທີ່ຫາຍາກ.

ບັນຍາຍການນຳໃຊ້

ອາຫານ: 

  • ຊີ້ນ: ໃຊ້ເປັນອາຫານໄດ້.
ການສຶບພັນ ແລະ ວົງຈອນຊີວິດ

       ການປະສົມພັນ: ການປະສົມພັນເກີດຂຶ້ນໃນນ້ຳ ແລະ ສາມາດປະສົມພັນໄດ້ຕະຫຼອດທຸກລະດູການ, ພົບວ່າລະດູການປະສົມພັນແມ່ນຈະຂຶ້ນກັບວຸດທິ ຫຼື ອາຍຸ ແລະ ສະລິລະທາງກາຍະພາບຂອງມັນ. ນາກໂຕແມ່ຈະຂະຫຍາຍຕົວເຕັມທີ່ເມື່ອອາຍຸຢູ່ລະຫວ່າງ 18-24 ເດືອນ ແລະ ອາຍຸສະເລ່ຍຂອງການປະສົມພັນແມ່ນ 21 ເດືອນ/ 2 ປີ. ອາຍຸການຖືພາຂອງນາກສະເລ່ຍຢູ່ທີ່ 60-64 ວັນ ຫຼື ມີນ້ຳໜັກປະມານ 10% ຂອງນ້ຳໜັກແມ່. ເມື່ອເກີດອອກມາຈະມີປະມານ 1-4 ຕົວ ແລະ ຈະໄດ້ຮັບການເບື່ອງແຍງຈາກແມ່ເປັນເວລາປະມານ 13 ເດືອນ. ໂຕຜູ້ບໍ່ມີບົດບາດໃນການເບີ່ງແຍງລູກ.

       ສະພາບການອະນຸລັກ: IUCN: ໃກ້ຈະຖືກໄພຂົ່ມຂູ່ລະດັບໂລກ.

ເອກະສານອ້າງອີງ / ການອ້າງອີງ
ຈອຫ໌ນ ພາຣ໌, ກະມົນ ໂກມົນຜະລິດ ແລະ ມົງຄົນ ວົງກາລາສິນ. (1999). ສັດລຽງລູກດ້ວຍນ້ຳນົມໃນປະເທດລາວ. ກົມປ່າໄມ້, ກະຊວງກະສິກຳ ແລະ ປ່າໄມ້.
Hung, N., Law, C.J. (2016). Lutra lutra (Carnivora: Mustelidae). Mammalian Species, 48 (940):109–122.
Jamwal, P.S., Bruno, A., Galimberti, A., Magnani, D., Krupa, H., Casiraghi, M., Loy, A. (2021). First assessment of eDNA-based detection approach to monitor the presence of Eurasian otter in Southern Italy. Hystrix, the Italian Journal of Mammalogy, 32(2): 176–18.
ຜູ້ຮ່ວມມືໃນການສ້າງ
Duangkhae KEONOY
ການປະກອບສ່ວນ