ຫມາລື່ງ / Large-toothed Ferret Badger

       ຫົວ ແລະ ລໍາຕົວຍາວ: 33-39 ຊມ. ຫາງຍາວ: 14–24 ຊມ.      ຖ້າເບິ່ງແບບຜິວເຜີນແລ້ວຕົວໝາລື່ງມີຄວາມຄ້າຍຄືກັບສັດພວກຈອນຟອນ, ສັດພວກນັ້ນມີໜ້າກາກເປັນສີຂາວດຳ, ໂດຍທົ່ວໄປແລ້ວພວກມັນບໍ່ມີຄວາມແຕກຕ່າງຈາກໝາລື່ງນ້ອຍ ພຽງແຕ່ມີຂະໜາດນ້ອຍກວ່າ ແລະ ມີພຶດຕິກໍາຕ່າງຈາກເຫງັນເຄືອ ເພາະຂົນຢູ່ຫົວສີດຳ, ພວກມັນມີແຖບສີຂາວລະຫວ່າງຕາທັງສອງ ແລະ ແຖບສີຂາວດ້ານຫຼັງຂອງຫົວຈົນຮອດກາງຫຼັງ. ສັດດັ່ງກ່າວມີຂາສັ້ນ.

       ອຸປະນິໄສ: ປົກກະຕິເປັນສັດຫາກິນກາງຄືນ, ແຕ່ຢ່າງໃດກໍ່ຕາມມັນສາມາດຫາກິນ ຫຼື ອອກເຄື່ອນໄຫວໃນຕອນເຊົ້າໆ ແລະ ຕອນຫົວຄໍ່າ, ມັນເປັນສັດທີ່ຢູ່ຕາມດິນຫຼາຍກວ່າ ແຕ່ພວກມັນກໍ່ສາມາດປີນຕົ້ນໄມ້ໄດ້ດີ, ພວກມັນກິນຕັກແຕນ, ແມງໄມ້ ແລະ ຂີ້ກະເດືອນເປັນອາຫານ.

      ຖິ່ນອາໄສ: ອາດມີຢູ່ລາວ (ບໍ່ທັນມີຂໍ້ມູນລະອຽດ) ບັນທຶກຈາກເຂດປ່າປ້ອງກັນເຂດພູຫີນປູນ ແລະ ພູພຽງບໍລິເວນ, ປະຈຸບັນຍັງມີຂໍ້ມູນຈາໍກັດ.