ໝູລຶ້ງ / Hog Badger
APA 6th ed. ໝູລຶ້ງ / Hog Badger. (2022, May 3). Retrieved from https://www.phakhaolao.la/kb/0001424
MLA 8th ed. ໝູລຶ້ງ / Hog Badger. Pha Khao Lao, 3 May 2022, https://www.phakhaolao.la/kb/0001424.
Chicago 17th ed. Pha Khao Lao. 2022. "ໝູລຶ້ງ / Hog Badger." Published May 3, 2022. https://www.phakhaolao.la/kb/0001424.
Arctonyx collaris consul Pocock, 1940
Arctonyx collaris dictator Thomas, 1910
Arctonyx dictator Thomas, 1910
Arctonyx annaeus Thomas, 1921
Arctonyx collaris nemaeus
ຊື່ສາມັນ: greater hog badger ແລະ Hog Badger.
ຫົວ ແລະ ລໍາໂຕຍາວ: 65-104 ຊມ. ຫາງຍາວ: 12-17 ຊມ. ເປັນສັດລ້ຽງລູກດ້ວຍນ້ຳນົມຂະໜາດກາງຊະນິດໜຶ່ງ, ປັດຈຸບັນນັບວ່າເປັນສິ່ງທີ່ມີຊີວິດຊະນິດດຽວທີ່ຍັງເຫຼືອຢູ່ໃນສະກຸນ Arctonyx. ລຳຕົວມີຂະໜາດໃຫຍ່, ມີດັງຄ້າຍຄືດັງໝູ ແລະ ຫາງສັ້ນ, ມີຂົນເປັນປຸ້ມ, ມີສີເຫຼືອງອ່ອນ, ສີເທົາ ຫຼື ດຳຈາງ, ພາກສ່ວນລຸ່ມ ແລະ ຂາມີສີດຳ. ໜ້າມີລັກສະນະຄື: ໜ້າຜາກ ແຖບລາຍສີດຳລາມຈາກຫູໄປຈົນເຖິງຕາ, ສູນກາງເສັ້ນລາຍຢູ່ໜ້າເອິກຍາວໄປຈົນເຖິງຮີມສົບເບື້ອງເທິງ, ຄໍມີສີຂາວ. ຕີນໃຫຍ່, ຍາວ ແລະ ກົ່ງ, ມີເລັບສີຂາວ.
ອຸປະນິໄສ: ສ່ວນຫຼາຍມັກເຄື່ອນໄຫວຫາກິນຕອນເຊົ້າ, ຕອນກາງຄືນບໍ່ເຄື່ອນໄຫວເຊັ່ນດຽວກັນ. ອາໄສຢູ່ຕາມໜ້າດິນ, ບໍ່ເຄີຍພົບເຫັນພວກມັນປີນຕົ້ນໄມ້, ແລ່ນຕາມຕົ້ນໄມ້. ນອນໃນໂຜ້ງຕາມດິນ ຫຼື ຕາມຫຼືບຫີນ. ມັກກິນສັດຈໍາພວກຂີ້ກະເດືອນ.
ຖິ່ນອາໄສ: ພົບໃນທຸກສະພາບປ່າໃນທົ່ວຂົງເຂດ ແລະ ທຸກລະດັບຄວາມສູງ.
ອາຫານ:
ຊີ້ນ: ໃຊ້ເປັນອາຫານໄດ້. ສະໄໝກ່ອນຄົນເຮົາໃຊ້ປະໂຫຍດຈາກໝູລຶ້ງດ້ວຍການນຳມາສະກັດເອົານ້ຳມັນໄວ້ປຸງແຕ່ງອາຫານ.
ຄວາມສຳຄັນຕໍ່ລະບົບນິເວດ:
ໝູລຶ້ງເປັນຕົວຊ່ວຍໃນການກະຈາຍພັນຂອງໝາກໄມ້ປ່າໃນລະບົບນິເວດ ແລະ ຍັງຊ່ວຍຄວບຄຸມຈຳນວນປະຊາກອນຂອງສັດໜ້າດິນທີ່ເປັນອາຫານຂອງພວກມັນ. ສະຫຼຸບໄດ້ວ່າໝູລື້ງມີປະໂຫຍດຕໍ່ລະບົບນິເວດ, ຊ່ວຍຮັກສາຄວາມສົມດູນໃຫ້ກັບທຳມະຊາດໄດ້ເປັນຢ່າງດີ.