ເຫມືອຍ / Sun Bear

       ຫົວ ແລະ ລໍາຕົວຍາວ: 100-140 ຊມ. ຫາງຍາວ: 37 ຊມ.

       ເປັນເໝືອຍຂະໜາດນ້ອຍມີຂົນສັ້ນສີດຳຫຸ້ມລຳຕົວ, ມີຮູບໂຕ “U“ ໝາຍອ້ອມຢູ່ບໍລິເວນປາກ ແລະ ດັງ, ເປັນສີຂາວຊີດທັງໃຫຍ່ ແລະ ໂດດເດັ່ນກວ່າໝີອາຊີພ້ອມທັງມີສີຂາວຢູ່ຂ້າງຕາຂະຫຍາຍກວ້າງອອກ, ມີຫູນ້ອຍ ແລະ ມົນ.

       ອຸປະນິໄສ: ອາດຈະພົບເຫັນເປັນຄູ່ ຫຼື ຢູ່ໂຕດຽວຄື່ອນໄຫວຕະຫຼອດເວລາທັງກາງເວັນ ແລະ ກາງຄືນ. ຂຶ້ນຕົ້ນໄມ້ເກັ່ງ ແລະ ປົກກະຕິຈະໃຊ້ຟຸ່ມປາຍໄມ້ເປັນບ່ອນເຮັດເຮືອນຮັງ, ເມື່ອສົມທຽບກັບໜີອາຊີແລ້ວເຫັນວ່າມີການກິນອາຫານຫຼາກຫຼາຍປະເພດກໍ່ເພາະວ່າກິນທັງເຜິ້ງ, ມົດ, ປວກ ແລະ ຂີ້ກະເດືອນ.

       ຖິ່ນອາໄສ: ພົບເຫັນໃນປ່າທຸກຊະນິດ ແລະ ແຕກຕ່າງລະດັບຄວາມສູງຈົນເຖິງ 1,680 ມ ຕະຫຼອດຮອດທົ່ງພຽງ, ປະຈຸບັນຈັດຢູ່ໃນສະພາບທີ່ຫາຍາກ.