ຫອນ / Brush-tailed Porcupine
APA 6th ed. ຫອນ / Brush-tailed Porcupine. (2022, February 17). Retrieved from https://www.phakhaolao.la/kb/0001409
MLA 8th ed. ຫອນ / Brush-tailed Porcupine. Pha Khao Lao, 17 February 2022, https://www.phakhaolao.la/kb/0001409.
Chicago 17th ed. Pha Khao Lao. 2022. "ຫອນ / Brush-tailed Porcupine." Published February 17, 2022. https://www.phakhaolao.la/kb/0001409.
ຊື່ສາມັນ: Brush-tailed Porcupine ແລະ Asiatic brush-tailed porcupine.
ຫົວ ແລະ ລໍາຕົວຍາວ: 38-52.5 ຊມ. ຫາງຍາວ: 14-22.5 ຊມ. ເປັນຫອນຂະໜາດນ້ອຍມີຫາງຍາວ, ຫອນມີປາຍຫາງທີ່ມີຂົນໜາມສີເຫຼືອງອ່ອນເປັນພົ້ວຄືກັນກັບຟອຍ. ຮູບຮ່າງລຳຕົວຍາວຮຽວຫຸ້ມດ້ວຍຂົນທີ່ເປັນໜາມລຽບແປເປັນສີຊອກໂກແລັດ ປົນເຈືອກັບສີນ້ຳຕານ ແລະ ສີຄີມ, ເຊິ່ງຈາກການຮວມກັນຂອງສີເຫຼົ່ານີ້ເຮັດໃຫ້ເໝືອນວ່າໝົດຕົວນັ້ນເປັນສີນໍ້າຕານ. ສ່ວນລຸ່ມຕົວເປັນສີເຫຼືອງຫົວຫຸ້ມດ້ວຍຂົນສີນ້ຳຕານລຽບໆ ແລະ ມີໜວດຍາວ.
ອຸປະນິໄສ: ເປັນສັດທີ່ຫາກິນກາງຄືນ, ຕົ້ນຕໍແມ່ນຕາມໜ້າດິນ, ແຕ່ຫາກິນນໍາຕົ້ນໄມ້ເປັນບາງໂອກາດເທົ່ານັ້ນ, ມີຊີວິດຢູ່ຮ່ວມກັນເປັນກຸ່ມນ້ອຍໆລະຫວ່າງ 6 ຫາ 8 ໂຕໃນຮູໃຕ້ດິນ, ຫຼຸມເຫວ ຫຼື ໃນຖ້ຳ, ກິນຮາກໄມ້, ຫົວມັນ, ເປືອກໄມ້, ໝາກໄມ້ລົ່ນ ແລະ ທັງຊາກເສດທີ່ເໜົ່າເປື່ອຍຕ່າງໆ.
ສຽງຮ້ອງ: ?
ຖິ່ນອາໄສ: ພົບໃນປ່າທຸກຊະນິດທີ່ມີຄວາມສູງຈົນເຖິງ 1,780 ມ ໃນທົ່ວປະເທດ ແລະ ອາດຈະອາໄສຢູ່ໃນບໍລິເວນພື້ນທີ່ມີໂງ່ນຫີນພົ້ນຂຶ້ນມາ.
ອາຫານ: ຊີ້ນໃຊ້ເປັນອາຫານ.
ສິນຄ້າ: ພົບຂາຍຕາມຕະຫຼາດທ້ອງຖິ່ນ.