ບ່າງສີຂີ້ເຖົ່າ / Particolored flying squirrel

    ຫົວ ແລະ ລໍາຕົວຍາວ: 18 ຊມ. ຫາງຍາວ: 16 ຊມ. ເປັນບ່າງທີ່ມີຂະໜາດປານກາງ ແລະ ມີຄວາມແຕກຕ່າງຈາກບ່າງພວກອື່ນໄດ້ແກ່: ມີຂົນຍາວເປັນປຸ້ມຢູ່ຕາມກົກຫູ, ຂົນທີ່ຢູ່ພາກສ່ວນເທິງຂອງລໍາຕົວເປັນແຖບສີຊອກໂກແລດປົນນໍ້າຕານ, ສີຂາວປົນເທົ່າເຫັນຢູ່ທົ່ວໆໄປແຜ່ນປີກໜັງຕໍ່ລະຫວ່າງຂາໜ້າກັບຂາຫຼັງມີສີນ້ຳຕານເຂັ້ມພ້ອມທັງມີສີຂາວຢູ່ເປັນຈຸດໆ, ຫາງເປັນສີນ້ຳຕານບາງໆ, ພາກສ່ວນລຸ່ມຂອງລຳຕົວເປັນສີຄີມນ້ຳສົ້ມ, ຂາມີຂົນຍາວເປັນປຸ້ມປົກຫຸ້ມຢູ່.
    ຖິ່ນອາໄສ: ພົບເຫັນສ່ວນຫຼາຍໃນເຂດທີ່ມີລະດັບຄວາມສູງ, ຢູ່ໃນປ່າທີ່ມີພູສູງ, ບາງຂໍ້ມູນທີ່ໄດ້ພົບເຫັນຢູ່ເຂດປ່າສະຫງວນພູຫີນປູນ ແລະ ທາງພາກກາງຂອງ ສປປ ລາວ.
    ສະພາບການອະນຸລັກ IUCN: ແມ່ນຈັດຢູ່ໃນລະດັບຂັ້ນສ່ຽງຕໍ່າ, ໃກ້ໆຈະຖືກຂົ່ມຂູ່.