ບາງແກ້ມແດງ / Red-checked Flying Squirrel

      ຫົວ ແລະ ລໍາຕົວຍາວ: 13.5- 18 ຊມ. ຫາງຍາວ: 11 ຊມ. ແມ່ນຫນຶ່ງໃນບັນດາບ່າງທີ່ມີຂະໜາດນ້ອຍ, ດ້ວຍການສະແດງລັກສະນະທີ່ມີແກ້ມສີນໍ້າສົ້ມຢູ່ລຸ່ມຕາ, ຫາງມີແຖບສີຂາວແຈ້ງ, ມີຂົນສີນ້ຳໝາກກ້ຽງປົນນ້ຳຕານຢູ່ພາກສ່ວນເທິງຂອງລໍາຕົວ, ມີສີເຫຼື້ອມ ແລະ ສັງເກດເຫັນໄດ້ດີຂຶ້ນ, ພາກສ່ວນຫົວ ແລະ ໃບໜ້າ, ແຜ່ນປີກໜັງຕໍ່ລະຫວ່າງຂາໜ້າກັບຂາຫຼັງ ແລະ ຂາຂອງມັນມີສີນ້ຳຕານເຂັ້ມ, ຂອບຂອງ ແຜ່ນປົກໜັງອາດມີສີຂາວປະປົນຢູ່ນຳ, ຄໍ ແລະ ພາກສ່ວນລຸ່ມມີສີຄີມປົນເຫຼືອງ.
     ອຸປະນິໄສ: ເປັນສັດທີ່ຫາກິນກາງຄືນ ແລະ ຢູ່ເທິງຕົ້ນໄມ້.
     ສຽງຮ້ອງ: ?
     ຖິ່ນອາໄສ: ຍັງເປັນທີ່ບໍ່ແຈ້ງສໍາລັບໃນ ສປປ ລາວ, ແຕ່ມີການແຈກຢາຍທົ່ວໄປຕາມພາກເໜືອ, ພາກກາງ ແລະ ພາກໃຕ້ຂອງ ສປປ ລາວ.