ເຄືອເຂົາມວກ / Phekchena-lata

ການນຳໃຊ້

ພືດເປັນຢາ

ຊື່ວິທະຍາສາດ / ຕະກຸນ

Securidaca inappendiculata Hassk. / POLYGALACEAE

ຊື່ພ້ອງ

Securidaca bracteata A.W. Benn.
Securidaca scandens Buch.-Ham. ex Benth.
Securidaca tavoyana Wall. ex A.W. Benn.

ຊື່ອື່ນ

ລາວ: ໂຈ່ງອາງ, ໂຈ່ງລະອາງ ແລະ ເຄືອເຂົາມວກ.
ໄທ: ໝາກເຂືອແຈເຄືອ, ຈອງລະອາງ, ຈຸງອາງ, ຊອງລະອາງ ແລະ ສະກຸ້ນ.
ຫວຽດນາມ: Đằng ca, Dây đằng ca ແລະ Thuyền dực đằng.
ຈີນ: 蝉翼藤.

ສະຖານະພາບການອະນຸລັກ

Least Concern

ບັນຍາຍລັກສະນະພືດສາດ

ລຳຕົ້ນເປັນລຳເຄືອ, ກ້ຽວພັນຕາມຕົ້ນໄມ້ໃຫຍ່. ໃບດ່ຽວ, ຮຽງສະຫຼັບ, ຮູບຮີ ຫຼື ຮູບໄຂ່, ກວ້າງ 5-8 ຊມ, ຍາວ 10-12 ຊມ, ໂຄນໃບຕັດ ຫຼື ມົນ, ຂອບລຽບ ຫຼື ເປັນຄື້ນເລັກນ້ອຍ, ປາຍແຫຼມ, ແຜ່ນໃບໜາຄ້າຍຄືໜັງ, ຜິວລຽບ. ຊໍ່ດອກແບບແຕກແໜງ, ອອກຕາມງ່າມໃບ. ດອກຍ່ອຍມີຈຳນວນຫຼາຍ, ດອກບານເຕັມທີມີຂະໜາດປະມານ 1 ຊມ, ສີບົວປົນສີແດງ. ກາບດອກມີ 5 ກາບ, 3 ກີບດອກມີຂະໜາດນ້ອຍ, 2 ກີບໃນຮູບໄຂ່, ສີບົວລັກສະນະຄ້າຍກີບດອກ. ກີບດອກມີ 3 ກີບ, 2 ກີບເທິງຮູບຂອບຂະໜານ, ກີບລຸ່ມຮູບຮີ. ເກສອນເພດຜູ້ມີ 8 ອັນເຊື່ອມຕິດກັນເປັນມັດ. ໝາກເປັນຝັກ, ຮູບຂອບຂະໜານ ຫຼື ຮູບຫອກ, ກວ້າງ 1.5 ຊມ, ຍາວປະມານ 6 ຊມ. ແກ່ນມີ 1 ແກ່ນ, ມີປີກ.

ບັນຍາຍການນຳໃຊ້

ສັບພະຄຸນ:
    ແກ່ນໄມ້: ຕົ້ມດື່ມຮັກສາອາການເປ້ຍລ່ອຍ, ຊ່ວຍຂັບປັດສະວະ ແລະ ລະລາຍໜີ້ວໝາກໄຂ່ຫຼັງ.
    ໃບ: ໃຊ້ຂັບປັດສະວະ, ຮັກສາອາການບາດເຈັບ, ແກ້ໄຂຂໍ້ອັກເສບ, ແກ້ອາກນເຈັບກະດູກ, ແກ້ກະເພາະ ແລະ ລຳໄສ້ອັກເສບ,
    ທັງຕົ້ນ: ມີສັບພະຄຸນແກ້ອາການເຈັບຫຼັງເຈັບແອວ.
ຄຸນປະໂຫຍດ:
    ເປືອກ: ໃຊ້ເປັນວັດຖຸດິບໃນການເຈ້ຍ

ເອກະສານອ້າງອີງ / ການອ້າງອີງ

Bo, T., Huang, Y., Yang, X., Li, K.A., Liu, H., Xu, L. (2003). Capillary Electrophoretic Behaviors of Pharmacologically Active Xanthones from Securidaca inappendiculata with β-Cyclodextrin as a Buffer Additive. Journal of Chromatographic Science, 41.

Okoli., C.O., Akah, P.A., Ezugworie, U. (2005). Anti-inflammatory activity of extracts of root bark of securidaca longipdunculata fres (Polygalaceae). Afr. J. Trad. CAM, 2(3): 54-63.

Gbadamosi, I.T., Adeyi, A.O., Agbatutu, A. (2017). Anti-inflammatory activity and toxicological effect of Securidaca longepedunculata (Fresen.) root bark extract in albino rats. Anti-inflammatory activity of Securidaca, 3(1).

Namadina, M.M., Shawai, R.S., Musa, F.M., Sunusi, U., Aminu, M.A., Nuhu, Y., Umar, A.M. (2020). Phytochemical and Antimicrobial Activity of Securidaca longipedunculata Root against Urinary Tract Infection Pathogens. ChemSearch Journal 11(2): 90–98.

ຜູ້ຮ່ວມມືໃນການສ້າງ

Duangkhae KEONOY