ດອກເຂົ້າກໍ່ານາ

ຈັດເປັນພືດລົ້ມລຸກ. ລຳຕົ້ນຕັ້ງຊື່, ສູງ 20-50 ຊມ, ມີຂໍ້. ໃບດ່ຽວ, ອອກຮຽງສະຫຼັບ ຫຼື ອອກແບບກະຈຸກບໍລິເວນໂຄນລຳຕົ້ນ, ຮູບແຖບຄ້າຍໃບຫຍ້າ, ກວ້າງ 4-6 ຊມ, ຍາວ 7-10 ຊມ, ໂຄນໃບຕັດ ຫຼື ມົນ, ຂອບລຽບ ຫຼື ບິດເປັນຄື້ນ, ປາຍແຫຼມ. ຊໍ່ດອກແບບກະຈຸກ ຫຼື ດອກດ່ຽວ, ອອກຈາກເຫງົ້າ. ກ້ານດອກຍາວ 10-20 ຊມ, ມີໃບຂະໜາດນ້ອຍຮູບແຖບ, ຫຸ້ມຢູເປັນໄລຍະ. ດອກຍ່ອຍມີ 4-8 ດອກ, ສີມ້ວງ. ກີບດອກມີ 3 ກີບ, ຮູບຂອບຂະໜານ, ເຊື່ອມຕິດກັນເປັນຫຼອດຍາວ 1-3 ​ຊມ, ມີ 3 ພູ, ກວ້າງ 1-3.5 ມມ, ປາຍແຫຼມ, ສີມ້ວງ ຫຼື ສີນ້ຳເງິນ. ເກສອນເພດຜູ້ຈັບຢູ່ບໍລິເວນປາຍດອກ, ພົ້ນກາຍຫຼອດກີບດອກຫນ້ອຍຫນື່ງ, ສີຂຽວອ່ອນ.