ຕົ້ນໃບງົວ
APA 6th ed. ຕົ້ນໃບງົວ. (2021, July 6). Retrieved from https://www.phakhaolao.la/kb/0001244
MLA 8th ed. ຕົ້ນໃບງົວ. Pha Khao Lao, 6 July 2021, https://www.phakhaolao.la/kb/0001244.
Chicago 17th ed. Pha Khao Lao. 2021. "ຕົ້ນໃບງົວ." Published July 6, 2021. https://www.phakhaolao.la/kb/0001244.
ຈັດເປັນໄມ້ຢືນຕົ້ນຂະໜາດກາງ, ຂຽວຕະຫຼອດປີ. ລຳຕົ້ນສູງປະມານ 20 ມ, ລຳຕົ້ນມັກບິດເປັນຮ່ອງຂະໜາດນ້ອຍ, ເປືອກນອກບາງ, ລຽບ, ສີເທົາ. ໃບປະສົມແບບຂົນນົກປາຍຄີກ, ອອກຮຽງສະຫຼັບ. ໃບຍ່ອຍມີ 3-7 ໃບ, ອອກຮຽງກົງກັນຂ້າມກັນ, ຮູບຮີ ຫຼື ຮູບຂອບຂະໜານ, ກວ້າງ 1.5-2.5 ຊມ, ຍາວ 4.5-6 ຊມ, ໂຄນໃບແຫຼມ ຫຼື ມົນ, ຂອບລຽບ ຫຼື ເປັນຄື້ນ, ປາຍຮຽວແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບມັນທັງສອງດ້ານ, ຍອດອ່ອນສີນ້ຳຕານແດງ, ມີຫູໃບຂະໜາດໃຫຍ່. ຊໍ່ດອກແບບແຕກແໜ່ງ, ອອກຕາມງ່າມໃບໃກ້ປາຍກິ່ງ. ດອກຍ່ອຍມີຈຳນວນຫຼາຍ, ສີຂຽວປົນສີເຫຼືອງ, ດອກແຍກເພດໃນຕົ້ນດຽວກັນ. ໝາກຮູບກົມ, ອອກເປັນກຸ່ມລະ 2-4 ໜ່ວຍ, ມີຂະໜາດ 0.8-1 ຊມ, ສີຂຽວປົນສີເທົາ ຫຼື ສີຟ້າ, ເນື້ອອົມນ້ຳ, ກາບດອກຕິດຈົນເປັນໝາກ, ໝາກສີຂຽວແລ້ວຈະປ່ຽນເປັນສີມ່ວງ ແລະ ປ່ຽນເປັນສີດຳເມື່ອແກ່. ແກ່ນມີ 1 ແກ່ນ, ເນື້ອແຂງ.
ສັບພະຄຸນ:
- ເປືອກຕົ້ນ: ແກ້ໄຂ້ມາຣາເລຍ.
- ສານອັນຄຣານອຍຈາກເປືອກ: ສາມາດກົດປະສາດສ່ວນກາງ ແລະ ຊ່ວຍຫຼຸດໄຂ້ໄດ້ປານກາງ.
- ໝາກ: ບົດເປັນຢາລ້າງຄໍເດັກ ແລະ ແກ້ອາການເຈັບຄໍ