ຕົ້ນໃບງົວ

ການນຳໃຊ້

ພືດເປັນຢາ

ຊື່ວິທະຍາສາດ / ຕະກຸນ

Picrasma javanica Blume / SIMAROUBACEAE

ຊື່ພ້ອງ

ຊື່ອື່ນ

ໄທ: ກອມຂົມ, ກະລຳເພາະຕົ້ນ, ໝາຊົນ, ຫງີນ້ຳ, ຫຍີນ້ຳໃບນ້ອຍ, ດຳ, ດີງູຕົ້ນ, ຕະພ້ານກົ້ນ, ເນຍປະໂຈະ, ໝາກປໍຈໍ ແລະ ໝາກກອມ.

ສະຖານະພາບການອະນຸລັກ

Least Concern

ບັນຍາຍລັກສະນະພືດສາດ

ຈັດເປັນໄມ້ຢືນຕົ້ນຂະໜາດກາງ, ຂຽວຕະຫຼອດປີ. ລຳຕົ້ນສູງປະມານ 20 ມ, ລຳຕົ້ນມັກບິດເປັນຮ່ອງຂະໜາດນ້ອຍ, ເປືອກນອກບາງ, ລຽບ, ສີເທົາ. ໃບປະສົມແບບຂົນນົກປາຍຄີກ, ອອກຮຽງສະຫຼັບ. ໃບຍ່ອຍມີ 3-7 ໃບ, ອອກຮຽງກົງກັນຂ້າມກັນ, ຮູບຮີ ຫຼື ຮູບຂອບຂະໜານ, ກວ້າງ 1.5-2.5 ຊມ, ຍາວ 4.5-6 ຊມ, ໂຄນໃບແຫຼມ ຫຼື ມົນ, ຂອບລຽບ ຫຼື ເປັນຄື້ນ, ປາຍຮຽວແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບມັນທັງສອງດ້ານ, ຍອດອ່ອນສີນ້ຳຕານແດງ, ມີຫູໃບຂະໜາດໃຫຍ່. ຊໍ່ດອກແບບແຕກແໜ່ງ, ອອກຕາມງ່າມໃບໃກ້ປາຍກິ່ງ. ດອກຍ່ອຍມີຈຳນວນຫຼາຍ, ສີຂຽວປົນສີເຫຼືອງ, ດອກແຍກເພດໃນຕົ້ນດຽວກັນ. ໝາກຮູບກົມ, ອອກເປັນກຸ່ມລະ 2-4 ໜ່ວຍ, ມີຂະໜາດ 0.8-1 ຊມ, ສີຂຽວປົນສີເທົາ ຫຼື ສີຟ້າ, ເນື້ອອົມນ້ຳ, ກາບດອກຕິດຈົນເປັນໝາກ, ໝາກສີຂຽວແລ້ວຈະປ່ຽນເປັນສີມ່ວງ ແລະ ປ່ຽນເປັນສີດຳເມື່ອແກ່. ແກ່ນມີ 1 ແກ່ນ, ເນື້ອແຂງ.

ບັນຍາຍການນຳໃຊ້

ສັບພະຄຸນ:

ເປືອກຕົ້ນ: ແກ້ໄຂ້ມາຣາເລຍ.
ສານອັນຄຣານອຍຈາກເປືອກ: ສາມາດກົດປະສາດສ່ວນກາງ ແລະ ຊ່ວຍຫຼຸດໄຂ້ໄດ້ປານກາງ.
ໝາກ: ບົດເປັນຢາລ້າງຄໍເດັກ ແລະ ແກ້ອາການເຈັບຄໍ

ເອກະສານອ້າງອີງ / ການອ້າງອີງ

Grierson, A.J.C. & Long, D.G. (2001). Flora of Bhutan 2: 1-1675. Royal Botanic Gardens, Edinburgh.

Newman, M., Ketphanh, S., Svengsuksa, B., Thomas, P., Sengdala, K., Lamxay, V. & Armstrong, K. (2007). A checklist of the vascular plants of Lao PDR: 1-394. Royal Botanic Gardens, Edinburgh.

Kress, W.J., DeFilipps, R.A., Farr, E. & Kyi, D.Y.Y. (2003). A Checklist of the Trees, Shrubs, Herbs and Climbers of Myanmar Contributions from the United States National Herbarium 45: 1-590. Smithsonian Institution.