ຮໍຄວາຍ/Jwar-pat

ການນຳໃຊ້

ອາຫານ

ພືດເປັນຢາ

ຊື່ວິທະຍາສາດ / ຕະກຸນ

Berchemia floribunda (Wall.) Brongn. / RHAMNACEAE

ຊື່ພ້ອງ

Berchemia floribunda var. oblongifolia Y.L.Chen & P.K.Chou
Berchemia laxa Wall. [Invalid]

ຊື່ອື່ນ

ໄທ: ຮໍສະພາຍຄວາຍ, ແຮນເມຍ ແລະ ຫັດໄວເຄືອ.
ຈີນ: 多花勾兒茶 ແລະ 多花勾儿茶.
ອັງກິດ: Jwar-pat, Kalapag, ແລະ Amili.
ຫວຽດນາມ: Rung rúc nhiều hoa.

ສະຖານະພາບການອະນຸລັກ

Least Concern

ບັນຍາຍລັກສະນະພືດສາດ

ລຳຕົ້ນເປັນລຳເຄືອຂະໜາດໃຫຍ່, ເນື້ອແຂງ, ເປືອກນອກແຂງ, ສີນ້ຳຕານເຖິງສີດຳ, ແຕກເປັນແຜ່ນ ຫຼື ແຕກເປັນຮ່ອງຕາມລວງຍາວ, ເປືອກໃນສີນ້ຳຕານ ຫຼື ເຫຼືອງ. ໃບດ່ຽວ, ອອກວຽນສະຫຼັບ, ຮູບຮີ ຫຼື ຮູບຫົວໃຈ, ກວ້າງ 1.5-3 ຊມ, ຍາວ 3-7 ຊມ, ໂຄນໃບມົນ, ຂອບລຽບ ຫຼື ເປັນຄື້ນເລັກຫນ້ອຍ, ປາຍແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ມີຂົນກະຈາຍບາງໆ. ກ້ານໃບຍາວຮຽວນ້ອຍໂຄ້ງງໍ, ຍາວ 1.5-2.5 ມມ. ຊໍ່ດອກແບບກະຈະ, ອອກບໍລິເວນປາຍກິ່ງ, ດອກຍ່ອຍຈຳນວນຫຼາຍ, ຂະໜາດນ້ອຍ, ສີຂາວ. ກາບດອກມີ 5 ກາບ, ສີຂຽວອ່ອນ ຫຼື ສີຂາວປົນສີເຫຼືອງ. ກີບດອກມີ 5 ກີບ, ສີເຫຼືອງ ຫຼື ສີຄີມ, ປາຍຮຽວ, ປາຍແຍກອອກຄ້າຍຊ້ອນ. ເກສອນເພດຜູ້ມີ 5 ອັນ, ກ້ານເກສອນມີສີຂາວອວບ, ຕິດບໍລິເວນໂຄນກີບດອກ, ຖົງລະອອງຮູບກົມ ຫຼື ຮູບຮີ. ເຕົ້າໄຂ່ຈັບເທິງ, ປາຍຮວງຮັບແຍກອອກເປັນຫຼາຍແສກ. ໝາກຮູບຊົງກະບອກ, ຍາວ 1-2 ຊມ, ຫົວ ແລະ ປາຍມົນ, ໝາກສຸກສີເຫຼືອງ. ແກ່ນມີ 1 ແກ່ນ.

ບັນຍາຍການນຳໃຊ້

ອາຫານ:
    ໃບອ່ອນ: ໃຊ້ຊົງດື່ມແທນຊາ.
ສັບພະພະຄຸນ:
    ຮາກ: ຕົ້ມດື່ມແກ້ໜີ້ວ ແລະ ຊ່ວຍບັນເທົາອາການປວດ.
    ຮາກ ແລະ ເປືອກຕົ້ນ: ຕົ້ມດື່ມແກ້ອຳມະພາດ.
    ລຳຕົ້ນ: ຕົ້ມດື່ມບຳລຸງຮ່າງກາຍ.
    ເປືອກຕົ້ນ: ຕົ້ມດື່ມແກ້ລິດຊີດວງ,
    ລຳຕົ້ນ ແລະ ໃບ: ຕົ້ມດື່ມແກ້ປວດ, ຊ່ວຍບຳລຸງກຳລັງ, ບຳລຸງກະດູກ ແລະ ຂໍ້, ບຳລຸງສະມັດຕະພາບທາງເພດທັງຍິງ ແລະ ຊາຍ.
    ທັງຕົ້ນ: ຕົ້ມດື່ມເປັນຢາລະບາຍ, ແກ້ໜີ້ວໃນໝາກໄຂ່ຫຼັງ, ມີສານ phosphodiesterase ຢັບຢັ້ງເອັນໄຊມ໌ທີ່ມີຜົນຕໍ່ການຫົດຕົວຂອງກ້າມເນື້ອຫົວໃຈ, ຊ່ວຍມາຍກ້າມເນື້ອຫົວໃຈ, ມາຍກ້າມກ້ຽງ, ຊ່ວຍເສີມພູມຄຸ້ມກັນ ແລະ ຊ່ວຍໃນການແຂງຕົວຂອງອະໄວຍະເພດຊາຍ.
ຄຸນປະໂຫຍດ:
    ໃບ ແລະ ຍອດອ່ອນ: ເປັນອາຫານຂອງກວາງ ແລະ ຊ້າງປ່າ.

ເອກະສານອ້າງອີງ / ການອ້າງອີງ

Wei, X., Jiang, J.-Sh., Feng, Z.-M., Zhang, P.-Ch. (2008). Anthraquinone-Benzisochromanquinone Dimers from the Roots of Berchemia floribunda. Chem. Pharm. Bull. 56(9) 1248—1252.

Islam, M.B., Guralnick, R.P. (2015). Generic Placement of the Former Condaliopsis (Rhamnaceae) species. Phytotaxa 236 (1): 025–039.

Kashung, S., Gajurel, P.R., Singh, B. (2021). Distributon and diversity of climbing species in Papum Pare District of Arunachal Pradesh, India. Journal of Threatened Taxa 13(3).

Lertpanich, K., Brockelman, W.Y. (2003). Lianas and Environmental Factors in the Mo Singto Biodiversity Research Plot, Khao Yai National Park, Thailand. The Natural History Journal of Chulalongkorn University 3(2): 7-17.

ຜູ້ຮ່ວມມືໃນການສ້າງ

Duangkhae KEONOY