ຖົ່ວລາຍ / Butterfly pea
APA 6th ed. ຖົ່ວລາຍ / Butterfly pea. (2021, May 29). Retrieved from https://www.phakhaolao.la/kb/0001173
MLA 8th ed. ຖົ່ວລາຍ / Butterfly pea. Pha Khao Lao, 29 May 2021, https://www.phakhaolao.la/kb/0001173.
Chicago 17th ed. Pha Khao Lao. 2021. "ຖົ່ວລາຍ / Butterfly pea." Published May 29, 2021. https://www.phakhaolao.la/kb/0001173.
Bradburya schiedeana (Schltdl.) Rose
Centrosema ferrugineum A.Rich.
Centrosema intermedium A.Rich.
Centrosema salzmannii Benth.
Centrosema schiedeanum (Schltdl.) R.J. Williams & R.J. Clem.
Centrosema virginianum (L.) "Benth., p.p."
Clitoria schiedeana Schltdl.
Ternatea schiedeana (Schltdl.) Kuntze
ອັງກິດ: Centro, Bluebell, Fodder pea, Butterfly Pea, Spurred Bufferly-pea, Kattupayar ແລະ Spurred Butterfly Pea.
ຈີນ: 距瓣豆.
ເປັນພືດລົ້ມລຸກ. ລຳຕົ້ນເປັນລຳເຄືອ, ມີຂໍ້, ບາງຄັ້ງມີຮາກຕາມລຳຕົ້ນ, ມີຂົນຍາວ. ຫູໃບຮູບໄຂ່ ຫຼື ຮູບຂອບຂະໜານ, ຍາວ 2-3 ມມ. ໃບຮູບຮີ ຫຼື ຮູບຂອບຂະໜານ, ຍາວ 2.6-10 ຊມ, ໂຄນໃບມົນ, ຂອບລຽບ ຫຼື ເປັນຄື້ນ ແລະ ມີຂົນ, ປາຍແຫຼມ, ແຜ່ນໃບບາງ, ມີຂົນຍາວປົກຄຸມທັງສອງດ້ານ. ຊໍ່ດອກແບກະຈະ, ອອກຕາມງ່າມໃບ. ກ້ານຊໍ່ດອກຍາວ 2.5-7 ຊມ. ໃບປະດັບຮູບຮີ ຫຼື ຮູບໄຂ່ກ້ວາງ, ແນບຕິດກາບດອກ. ດອກຍ່ອຍມີ 2-4 ດອກ, ສີຂາວ, ສີບົວ ຫຼື ສີມ່ວງ. ກາບດອກມີ 5 ກາບ, 2 ກາບເທິງເຊື່ອມຕິດກັນ, ຮູບແຖບ, ສີຂຽວ. ກີບດອກມີ 5 ກີບ, ກີບກາງຮູບກົມ, ຍາວ 2-3 ຊມ, ບໍລິເວນໂຄນມີຂົນຍາວ, ມີເດືອຍສັ້ນ. ກີບຂ້າງ ຫຼື ກີບປີກຮູບກຽວ, ກີບຄູ່ລຸ່ມສັ້ນ. ໝາກເປັນຝັກ, ຮູບແຖບ, ຍາວ 7-13 ຊມ, ແປ, ປາຍແຫຼມ, ມີຈະງອຍ, ໝາກແຫ້ງແລ້ວແຕກອອດບິດວຽນ. ແກ່ນມີ 7-15 ແກ່ນ, ຮູບຂອບຂະໜານ, ຍາວ 4-5 ມມ, ສີນ້ຳຕານ.
ອາຫານ:
ແກ່ນ: ໃຊ້ຕົ້ມໃສ່ນ້ຳຕານຮັບປະທານໄດ້, ຕົ້ມ ແລະ ເຮັດໄສ້ເຂົ້າໜົມ, ນຳມາບົດເປັນແປ້ງດິບ ຫຼື ສຸກກ່ອນຕາກແຫ້ງ ແລະ ບົດເຮັດແປ້ງສຸກ.
ຄຸນປະໂຫຍດ:
ປູກເປັນພືດທີ່ຟື້ນຟູດີນ.
ເຄືອ: ໃຊ້ເປັນອາຫານສັດ.