ສົ້ມໝໍ້ດົງ /Som Mor Dong
APA 6th ed. ສົ້ມໝໍ້ດົງ /Som Mor Dong. (2021, May 17). Retrieved from https://www.phakhaolao.la/kb/0001159
MLA 8th ed. ສົ້ມໝໍ້ດົງ /Som Mor Dong. Pha Khao Lao, 17 May 2021, https://www.phakhaolao.la/kb/0001159.
Chicago 17th ed. Pha Khao Lao. 2021. "ສົ້ມໝໍ້ດົງ /Som Mor Dong." Published May 17, 2021. https://www.phakhaolao.la/kb/0001159.
Canarium album Leenh.
Canarium tonkinense Engl.
Hearnia balansae C.DC.
Pimela alba Lour.
ໄທ: ສະໝໍຈີນ ແລະ ການາ.
ອັງກິດ: Chinese Olive.
ຫວຽດນາມ: Trám trắng, Cà na, Ô lãm, Mác cợm, Mạy cưởm (Tày) ແລະ Thanh quả.
ຈີນ: 寄主植物 ແລະ 橄榄.
ເປັນໄມ້ຢືນຕົ້ນຂະໜາດໃຫຍ່່. ລຳຕົ້ນຕັ້ງຊື່, ສູງປະມານ 30 ມ, ກິ່ງກ້ານອອກບໍລິເວນປາຍຍອດ, ຕັ້ງຊື່ຂຶ້ນກັບລຳຕົ້ນ, ມີຂົນສີນ້ຳຕານ ຫຼື ສີແດງປົກຄຸມຢ່າງໜາແໜ້ນ, ລຳຕົ້ນແກ່ເປັນຮູບທໍ່ກົມ, ຜິວລຽບ, ລຳຕົ້ນມີຢາງສີຂາວ ແລະ ທາດນ້ຳມັນ, ໜຽວ ແລະ ມີກິ່ນຫອມ. ໃບປະສົມຂັ້ນໜຶ່ງແບບຂົນນົກປາຍຄີກ, ອອກຮຽງສະຫຼັບ ຫຼື ວຽນສະຫຼັບ, ອອກເປັນກຸ່ມຢູ່ບໍລິເວນປາຍກິ່ງ, ຍາວ 25-30 ຊມ. ກ້ານໃບລວມຍາວ 26-28 ຊມ. ໃບຍ່ອຍມີ 3-6 ຄູ່, ຮູບຮີ, ຮູບໄຂ່ ຫຼື ຮູບຂອບຂະໜານ, ກ້ວາງ 3-5 ຊມ, ຍາວ 4-8 ຊມ, ໂຄນໃບແຫຼມ ຫຼື ບ້ຽວ, ຂອບລຽບ, ປາຍຮຽວແຫຼມ, ແຜ່ນໃບບາງ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ. ຫູໃບຮູບຮີ, ປາຍແຫຼມ, ມີຂົນ, ຫຼົ່ນງ່າຍ. ຊໍ່ດອກແບບແຕກແໜ່ງ ຫຼື ຊໍ່ແບບກະຈະ, ອອກບໍລິເວນປາຍກິ່ງ. ດອກຍ່ອຍມີຈຳນວນຫຼາຍ, ສີຂຽວປົນສີເຫຼືອງ, ດອກສົມບູນເພດ ແລະ ດອກແຍກເພດໃນຕົ້ນດຽວກັນ. ກາບດອກມີ 3 ກີບ, ສີຂຽວອ່ອນ. ກີບດອກມີ 2 ຊັ້ນ, ແຕ່ລະຊັ້ນມີ 3 ກີບ, ຮູບໄຂ່, ສີຂາວ. ເກສອນເພດຜູ້ມີ 6 ອັນ, ຖົງລະອອງສີເຫຼືອງ. ເຕົ້າໄຂ່ຈັບເທິງ, ມີຂົນ. ໝາກຮູບຮີ ຫຼື ຮູບໄຂ່, ກ້ວາງ 2-2.5 ຊມ, ຍາວປະມານ 4.5 ຊມ, ຫົວຫາງມົນ, ສີຂຽວປົນສີເຫຼືອງ, ກາບດອກຕິດຈົນເປັນໝາກ. ແກ່ນມີ 3 ແກ່ນ, ມີ 6 ສັນ, ແຂງ.
ອາຫານ:
ໝາກ: ສາມາດກິນໄດ້ເປັນໝາກໄມ້ສົດ ແລະ ດອງ ຫຼື ນຳມາປຸງແຕ່ງກິນເປັນອາຫານ.
ໝາກ: ນຳມາປຸງແຕ່ງລົດຊາດອາຫານ
ຄຸນປະໂຫຍດ:
ເນື້ອໄມ້: ເນື້ອໄມ້ມີລາຍສີນ້ຳຕານອ່ອນ, ຕົບແຕ່ງງ່າຍນຳມາເຮັດເຟີນະເຈີໄດ້. ນອກຈາກນີ້ຍັງໃສເປັນນ້ຳມັນສົນ ແລະ ເປັນວັດຖຸດິບສຳລັບອຸດສາຫະກຳສີ ແລະ ການພິມ.
ແກ່ນ: ມັກຖືກນຳມາແກະສະຫຼັກເປັນຮູບພະເຈົ້າ ແລະ ໃຊ້ເປັນລູກປັດອະທິຖານ.
ເນື້ອໄມ້ເປັນໄມ້ເນື້ອອ່ອນ, ໃຊ້ສຳລັບເປັນໄມ້ຂີດໄຟ ແລະ ກ່ອງ.
ເນື້ອໄມ້: ໃຊ້ເປັນເຊື້ອໄຟ ຫຼື ເປັນຟືນ.
ນ້ຳມັນຫອມລະເຫີຍ:
ນ້ຳຢາງ: ມີສານ resin ທີ່ມີກິ່ນຫອມເຊິ່ງເປັນນ້ຳມັນຫອມລະເຫີຍໄດ້.
ສັບພະຄຸນ:
ໝາກ: ກິນແກ້ອາຫານເປັນພິດ, ແກ້ເຈັບຄໍ, ແກ້ໄອ, ຫຼົດການຂາດນ້ຳ ແລະ ຮັກສາອາການຖອກທ້ອງ ຫຼື ເຈັບທ້ອງບິດ.
ສານ aromatic resin ທີ່ສະກັດຈາກຕົ້ນ: ໃຊ້ເຮັດສີໄດ້.
ສານ resin : ໃຊ້ສຳລັບການວາດຮູບ.