ດອກງ້ວນ / Heartbreak grass

ການນຳໃຊ້

ພືດເປັນຢາ

ຊື່ວິທະຍາສາດ / ຕະກຸນ

Gelsemium elegans (Gardner & Champ.) Benth. / GELSEMIACEAE

ຊື່ພ້ອງ

Gelsemium sumatranum (Blume) Boerl.
Leptopteris sumatrana Blume
Medicia elegans Gardner & Champ.

ຊື່ອື່ນ

ຊື່ລາວ: ດອກງ້ວນແດງ, ງ້ວນເຫຼືອງ.
ຊື່ໄທ: ໝາກເດັດ, ເກັກມ່ວນ, ຊົ້ວນາຕົ້ວ, ໝາກລິນຣົກ, ສາມໃບຕາຍ.
ຊື່ຈີນ: 钩吻, 葫蔓藤，斷腸草.
ຊື່ສາມັນ: Chinese Gelsemium, Graceful Jesamine
ຊື່ຫວຽດນາມ: lá ngón.

ບັນຍາຍລັກສະນະພືດສາດ

ລຳຕົ້ນເປັນລຳເຄືອ. ໃບດ່ຽວ, ອອກຮຽງກົງກັນຂ້າມ, ຮູບຫອກ ຫຼື ຮູບໄຂ່, ຍາວ 5-14 ຊມ, ໂຄນໃບແຫຼມ ຫຼື ຮູບຫຼິ້ມ, ຂອບລຽບ, ປາຍຍາວເປັນຫາງ. ກ້ານໃບແປ, ຍາວ 1-1.5 ຊມ. ຊໍ່ດອກແບບກະຈຸກ, ອອກຕາມປາຍກິ່ງ ຫຼື ປາຍຍອດ, ຍາວປະມານ 12 ຊມ. ດອກຍ່ອຍມີຈຳນວນຫຼາຍ, ຮູບລຳໂພງ, ສີເຫຼືອງ. ກາບດອກມີ 5 ກາບ, ຍາວ 1.2-2 ຊມ, ຮຽງຊ້ອນເຫຼື່ອມກັນ, ມີຈຸດສີແດງດ້ານໃນ, ດອກມີຂົນສີຂາວ, ຕິດທົນ. ກີບດອກເຊື່ອມຕິດກັນເປັນຫຼອດ, ປາຍແຍກອອກເປັນ 5 ແສກ, ປາຍໂຄ້ງງໍກັບ. ເກສອນເພດຜູ້ມີ 5 ອັນ, ຈັບຢູ່ກາງຫຼອດກີບດອກ, ກ້ານຊູຖົງລະອອງຍາວປະມານ 4 ມມ, ຍືນພົ້ນຫຼອດກີບດອກເລັກນ້ອຍ. ເຕົ້າໄຂ່ມີ 2 ແສກ, ແຕ່ລະແສກມີ 2 ຫ້ອງ. ໝາກຮູບຮີ ຫຼື ຮູບໄຂ່, ຍາວປະມານ 1.5 ຊມ, ໝາກແຫ້ງແລ້ວແຕກເປັນ 2 ແສກ. ແກ່ນມີ 8-10 ແກ່ນຕໍ່ 1 ຫ້ອງ, ຮູບຮີແປ, ຍາວ 4-5 ມມ, ມີຂົນ ຫຼື ປີກອ້ອມຮອບ.

ບັນຍາຍການນຳໃຊ້

ສັບພະຄຸນ: ນ້ຳຢາງ Alkaloids ໃຊ້ໃນປະລິມານທີ່ເໝາະສົມເປັນ ຢາຮັກສາພະຍາດຊິ້ນປົ່ງໃນໂພງດັງ ແລະ ຊິ້ນປົ່ງໃນຜິວໜັງບາງຊະນິດ (ຖ້າໃຊ້ໃນປະລິມານຫຼາຍເຮັດໃຫ້ນ້ຳລາຍໄຫຼ, ສັບສົນ, ຊັກ ຫຼື ເຮັດໃຫ້ເສຍຊີວິດໄດ້).

ເອກະສານອ້າງອີງ / ການອ້າງອີງ

Lee, J., Bach, T.T., Hai, D.V., Quang, B.H. and Lee, H.J. (2018). Woody Plants of Phia Oac-Phia Den National Park in Vietnam. Korea National Arboretum of the Korea Forest Service.

Kress, W.J., DeFilipps, R.A., Farr, E. & Kyi, D.Y.Y. (2003). A Checklist of the Trees, Shrubs, Herbs and Climbers of Myanmar Contributions from the United States National Herbarium 45: 1-590. Smithsonian Institution.

Mai, M.H. (2011). EN UNDERSØKELSE AV TI MEDISINSKE URTER OG BRUKEN AV DEM I. Avdeling for Farmasøytisk kjemi Farmasøytisk Institutt Det matematisk-naturvitenskapelige fakultet Universiteteti Oslo.

Middleton, D.J. (2019). GELSEMIACEAE. Struwe & V.A.Albert, Cladistics 10 (1994) 175; Rafidah, Fl. Penins. Malaysia, ser. 2, 6 (2017) 3; Struwe in Kadereit & Bittrich (ed.), Fam. Gen. Vasc. Pl. 15 (2019) 447.

Mao, A.A., Sinha, B.K., Verma, D. & Sarma, N. (2016). Check-List of Flora of Meghalaya: 1-273. Meghalaya Biodiversity Board, Shillong.

Newman, M., Ketphanh, S., Svengsuksa, B., Thomas, P., Sengdala, K., Lamxay, V. & Armstrong, K. (2007). A checklist of the vascular plants of Lao PDR: 1-394. Royal Botanic Gardens, Edinburgh.

Zhou, Z., Wu, L., Zhong, Y., Fang, X., Liu, Y., Chen, H. and Zhang, W. (2017). Gelsemium elegans Poisoning: A Case with 8 Months of Follow-up and Review of the Literature. Department of Neurology, The First Affiliated Hospital, Sun Yat-Sen University, Guangzhou, China.

ຜູ້ຮ່ວມມືໃນການສ້າງ

ດວງແຂ ແກ້ວນ້ອຍ