ໄຄ້ຂົມ / Mekong curry flower

ການນຳໃຊ້

ອາຫານ

ຊື່ວິທະຍາສາດ / ຕະກຸນ

Sauropus thorelii Beille / Phyllanthaceae

ຊື່ພ້ອງ

ຊື່ອື່ນ

ຊື່ໄທ: ໄຄ້ຫອມ, ສະເລີ່ຍມໄຄ້, ສະເລີຍມຫອມ ແລະ ໄຄ້ຂົມ.

ບັນຍາຍລັກສະນະພືດສາດ

ຕົ້ນໄຄ້ຂົມຈັດເປັນໄມ້ຟຸ່ມ. ລຳຕົ້ນສູງປະມານ 1.5 ມ, ກົມ, ເປືອກອ່ອນສີຂຽວ, ເປືອກແກ່ສີນ້ຳຕານ. ໃບປະສົມຂັ້ນໜຶ່ງ, ອອກຮຽງສະຫຼັບ. ໃບຍ່ອຍຮູບຫອກ, ອອກຮຽງສະຫຼັບ, ກ້ວາງ 2.7-8 ຊມ, ຍາວ 6.5-20 ຊມ, ໂຄນໃບແຫຼມ, ຂອບລຽບ, ປາຍແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບທັງສອງດ້ານ. ຊໍ່ດອກແບບກະຈຸກ, ອອກຕາມກິ່ງ, ຕົ້ນ, ງ່າມໃບ. ດອກແຍກເພດໃນຕົ້ນດຽວກັນ, ດອກຜູ້ບໍ່ມີກາບດອກ, ມີກີບດອກຮຽງກັນສອງຊັ້ນ, ຊັ້ນລະ 3 ກີບ, ຮູບໄຂ່, ສີສົມພູ, ເກສອນຜູ້ເຊື່ອມຕິດກັນເປັນຫຼອດ. ດອກແມ່ບໍ່ມີກາບດອກ, ມີກີບດອກ 2 ຊັ້ນຄືກັນ, ຊັ້ນລະ 3 ກີບ, ຮູບໄຂ່ ຫຼື ຮູບຫອກ, ສີຂຽວ. ເຕົ້າໄຂ່ຮູບກົມ, ສີຂຽວອົມຂາວ. ໝາກເປັນຮູບເຄິ່ງວົງມົນຄວໍ້າລົງ, ເປືອກແຂງ, ມີຜິວຄຸຄັງ.

ບັນຍາຍການນຳໃຊ້

ເປັນອາຫານ: ໃບມີກິ່ນຫອມເປັນເຄື່ອງຄຽງ ຫຼື ເຄື່ອງປະສົມກັບລາບ, ນຳມາຕົ້ມເອົານ້ຳໃສ່ລາບ ຫຼື ມາກັບແຈ່ວ.

ສັບພະຄຸນທາງດ້ານການຢາ: ໃບຕົ້ົົົົມນ້ຳດື່ມ ຫຼື ຄ້ຽວສົດຮັກສາກພະຍາດພູມແພ້, ຫອບຫືດ, ຫວັດຊໍາເຮື້ອ ແລະ ໄຊນັດອັກເສບ. ດອກຮັກສາພະຍາດກະເພາະ, ຄວາມດັນສູງ, ເບົາຫວານ ແລະ ອາການອັກເສບຕ່າງໆ.

ເອກະສານອ້າງອີງ / ການອ້າງອີງ

Peter C. Van Velsen, (2003). REVISION OF THE MALESIAN AND THAI SPECIES OF SAUROPUS (EUPHORBIACEAE: PHYLLANTHOIDEAE). Nationaal Herbarium Nederland, Universiteit Leiden branch.

Kanchana Pruesapan, Ian R.H. Telford, Jeremy J. Bruhl, Hans-Joachim Esser and Peter C. van Welzen, (2008). Sauropus transferred to Breynia (Phyllanthaceae) based on molecular and morphological phylogenetic reconstruction. In review for Taxon. @ The new combinations will officially be made in Taxon, not in this thesis. Therefore, when applicable the name Sauropus is still used as much as possible; Netherlands Centre for Biodiversity Naturalis (section National Herbarium of the Netherlands), Leiden University, P.O. Box 9514, 2300 RA Leiden, The Netherlands; N.C.W. Beadle Herbarium & Botany--School of Environmental and Rural Science, University of New England, Armidale, NSW 2351, Australia and Botanische Staatssammlung München, Menzinger Strasse 67, D-80638 München (Munich), Germany.

P.C. van Welzen, K. Pruesapan, I.R.H. Telford, H.-J. Esser and J.J. Bruhl, (2014). Phylogenetic reconstruction prompts taxonomic changes in Sauropus, Synostemon and Breynia (Phyllanthaceae tribe Phyllantheae). Naturalis Biodiversity Center, section Botany, P.O. Box 9517, 2300 RA Leiden, The Netherlands; Institute Biology Leiden, Leiden University, P.O. Box 9505, 2300 RALeiden, The Netherlands and Plant Variety Protection Office, Department of Agriculture, 50 Paholyothin Road, Chatuchak, Bangkok 10900, Thailand.

Virginia SIMPSON & Nicholas J. SOUTER, (2017). Editorial — The future of Payments for Ecosystem Services in Cambodia. Conservation International, Greater Mekong Program, 4th Floor, Building E1, Phnom Penh Center, Sothearos Boulevard, Tonle Bassac, Phnom Penh, 12000, Cambodia.

N. Phromsingh, A. Srinuan and S. Kesarabwan, (2559). Leaf Epidermal Anatomy of some Species of the Family Phyllanthaceae in Thailand. Department of Biology Faculty of Science Srinakharinwirot University, Bangkok 10110 and Department of Biological Sciences Faculty of Science, Ubon Ratchathani University, Ubon Ratchathani 34190.

ຜູ້ຮ່ວມມືໃນການສ້າງ

ດວງແຂ ແກ້ວນ້ອຍ