ໄຄ້ຂົມ / Mekong curry flower
APA 6th ed. ໄຄ້ຂົມ / Mekong curry flower. (2020, November 23). Retrieved from https://www.phakhaolao.la/kb/0000942
MLA 8th ed. ໄຄ້ຂົມ / Mekong curry flower. Pha Khao Lao, 23 November 2020, https://www.phakhaolao.la/kb/0000942.
Chicago 17th ed. Pha Khao Lao. 2020. "ໄຄ້ຂົມ / Mekong curry flower." Published November 23, 2020. https://www.phakhaolao.la/kb/0000942.
ຕົ້ນໄຄ້ຂົມຈັດເປັນໄມ້ຟຸ່ມ. ລຳຕົ້ນສູງປະມານ 1.5 ມ, ກົມ, ເປືອກອ່ອນສີຂຽວ, ເປືອກແກ່ສີນ້ຳຕານ. ໃບປະສົມຂັ້ນໜຶ່ງ, ອອກຮຽງສະຫຼັບ. ໃບຍ່ອຍຮູບຫອກ, ອອກຮຽງສະຫຼັບ, ກ້ວາງ 2.7-8 ຊມ, ຍາວ 6.5-20 ຊມ, ໂຄນໃບແຫຼມ, ຂອບລຽບ, ປາຍແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບທັງສອງດ້ານ. ຊໍ່ດອກແບບກະຈຸກ, ອອກຕາມກິ່ງ, ຕົ້ນ, ງ່າມໃບ. ດອກແຍກເພດໃນຕົ້ນດຽວກັນ, ດອກຜູ້ບໍ່ມີກາບດອກ, ມີກີບດອກຮຽງກັນສອງຊັ້ນ, ຊັ້ນລະ 3 ກີບ, ຮູບໄຂ່, ສີສົມພູ, ເກສອນຜູ້ເຊື່ອມຕິດກັນເປັນຫຼອດ. ດອກແມ່ບໍ່ມີກາບດອກ, ມີກີບດອກ 2 ຊັ້ນຄືກັນ, ຊັ້ນລະ 3 ກີບ, ຮູບໄຂ່ ຫຼື ຮູບຫອກ, ສີຂຽວ. ເຕົ້າໄຂ່ຮູບກົມ, ສີຂຽວອົມຂາວ. ໝາກເປັນຮູບເຄິ່ງວົງມົນຄວໍ້າລົງ, ເປືອກແຂງ, ມີຜິວຄຸຄັງ.
ເປັນອາຫານ: ໃບມີກິ່ນຫອມເປັນເຄື່ອງຄຽງ ຫຼື ເຄື່ອງປະສົມກັບລາບ, ນຳມາຕົ້ມເອົານ້ຳໃສ່ລາບ ຫຼື ມາກັບແຈ່ວ.
ສັບພະຄຸນທາງດ້ານການຢາ: ໃບຕົ້ົົົົມນ້ຳດື່ມ ຫຼື ຄ້ຽວສົດຮັກສາກພະຍາດພູມແພ້, ຫອບຫືດ, ຫວັດຊໍາເຮື້ອ ແລະ ໄຊນັດອັກເສບ. ດອກຮັກສາພະຍາດກະເພາະ, ຄວາມດັນສູງ, ເບົາຫວານ ແລະ ອາການອັກເສບຕ່າງໆ.