ຕົ້ນຕາປູ / Rohituka tree

ຕົ້ນຕາປູຈັດເປັນໄມ້ຢືນຕົ້ນ, ມີຄວາມສູງ 25 ແມັດ, ເປືຶອກຕົ້ນໜາແຕກເປັນສະເກັດຫຼຸດອອກ, ຕາມກິ່ງອ່ອນ ແລະ ຍອດອ່ອນມີຂົນ. ໃບເປັນໃບປະສົມແບບຂົນນົກ, ປາຍໃບຄີ່, ອອກລຽງສະລັບ, ມີໃບຍ່ອຍ 3-7 ຄູ່, ລັກສະນະຂອງໃບຍ່ອຍເປັນຮູບກົມຮີແກມຮູບຂອບຂະໜານ, ໃບກວ້າງ 3-7 ຊັງຕິແມັດ ແລະ ຍາວ 6-18 ຊັງຕິແມັດ, ແຜ່ນໃບລຽບກ້ຽງເປັນສີຂຽວເຂັ້ມ. ອອກດອກເປັນຊໍ່ແຍກຂະແໜງຍາວ, ໂດຍຈະອອກຕາມງ່າມໃບໃກ້ປາຍກິ່ງ, ເປັນດອກແບບແຍກເພດ, ມີທັງຊໍ່ດອກຜູ້, ຊໍ່ດອກແມ່, ຊໍ່ດອກທັງສອງເພດ, ດອກມີຂະໜາດນ້ອຍສີເຫຼືອງອ່ອນ, ມີລັກສະນະເປັນຮູບຊົງກົມ, ກາບດອກເຊື່ອມຕິດກັນປາຍແຍກເປັນ 3 ແຊກ, ສີຂຽວ ແລະ ມີຂົນ, ສ່ວນກີບດອກມີ 3 ກີບ, ສີເຫຼືອງ. ໝາກມີລັກສະນະກົມ, ຂະໜາດ 3.5-5 ຊມ, ເມື່ອແກ່ຈະແຕກອອກເປັນ 2-3 ຊີກ, ພາຍໃນໝາກຈະມີແກ່ນສີນໍ້າຕານດໍາ ແລະ ມີເຍື່ອຫຸ້ມແກ່ນສີແດງ.