ແມງຈຸດຈີ່ຫວາຍ / Dung Beetle
APA 6th ed. ແມງຈຸດຈີ່ຫວາຍ / Dung Beetle. (2019, December 5). Retrieved from https://www.phakhaolao.la/kb/0000735
MLA 8th ed. ແມງຈຸດຈີ່ຫວາຍ / Dung Beetle. Pha Khao Lao, 5 December 2019, https://www.phakhaolao.la/kb/0000735.
Chicago 17th ed. Pha Khao Lao. 2019. "ແມງຈຸດຈີ່ຫວາຍ / Dung Beetle." Published December 5, 2019. https://www.phakhaolao.la/kb/0000735.
ແມງຈຸຈີ່ຫວາຍອາດມີຂະໜາດນ້ອຍ, ລຳໂຕຍາວປະມານ 2 ຊມ. ມີສີນ້ຳຕານເຂັ້ມຈົນເປັນສີດຳ, ມີເຂົາທີ່ສ່ວນຫົວ. ລຳໂຕເປັນຮູບໄຂ່, ໜວດແບບຄ້ອນກະບອງ, ປາກເປັນແບບກັດ, ຂາຄູ່ໜ້າມີລັກສະນະເປັນໜາໜາມ, ເປັນແຜ່ນແປ, ຂາອິກ 2 ຄູ່, ມີລັກສະນະແປກວ້າງ. ມີປີກແຂງຄຸມຮອດສ່ວນກົ້ນ, ລຳໂຕ ແລະ ປີກເປັນສີດຳເຂັ້ມ, ບໍລິເວນປີກມີຮ່ອງຕາມຄວາມຍາວຂ້າງລະ 8 ຮ່ອງ, ເປັນແມງທີ່ມີຂະໜາດນ້ອຍ.
ແຫຼ່ງທີ່ຢູ່ອາໄສ: ຈຸຈີ່ຫວາຍອາໄສຢູ່ຕາມມູນສັດ ເຊັ່ນ: ຂີ້ຄວາຍ, ຂີ້ງົວ. ເມື່ອງົວ ຫຼື ຄວາຍຂີ້ປະໄວ້ໃນຊ່ວງກາງຄືນມັນຈະບິນມາຢູ່. ມັນຈະຂຸດຮູຢູ່ກ້ອງມູນສັດ ແລະ ສະສົມອາຫານເພື່ອລ້ຽງລູກອ່ອນຂອງມັນ.
ການຊອກຫາຈຸຈີ່ຫວາຍກໍ່ຄືກັບການຫາຈຸຈີ່ທົ່ວໄປ. ໂດຍໄປຊອກແຕ່ເຊົ້າຕາມມູນສັດທີ່ຂີ້ໄວ້ຕາມທົ່ງນາ, ຕ້ອງຂຸດຊອກໃນກ້ອງຂີ້ສັດທີ່ຂີ້ໃຫມ່ປະມານໜື່ງຄືນ ເພາະກ້ອງທີ່ປະໄວ້ໜື່ງຄືນແລ້ວຈະມີແມງຈຸຈີ່ຫລາຍ. ເມື່ອຂຸດໄດ້ມາແລ້ວກໍ່ໃສ່ຄ້ອງຂັງປະໄວ້ໜື່ງຄືນເພາະໃຫ້ແມງຈຸຈີ່ຂີ້ອອກໝົດແລ້ວ. ຈື່ງນຳເອົາໄປລ້າງໃຫ້ສະອາດ ແລ້ວນຳໄປເຮັດອາຫານປະເພດຕ່າງໆເຊັ່ນ: ແຈ່ວ, ຂົ້ວ, ແກງ ແລະ ເອາະ...
-