ຕັກກະແຕນເຂົ້າ / Rice Grasshopper
APA 6th ed. ຕັກກະແຕນເຂົ້າ / Rice Grasshopper. (2022, August 1). Retrieved from https://www.phakhaolao.la/kb/0000725
MLA 8th ed. ຕັກກະແຕນເຂົ້າ / Rice Grasshopper. Pha Khao Lao, 1 August 2022, https://www.phakhaolao.la/kb/0000725.
Chicago 17th ed. Pha Khao Lao. 2022. "ຕັກກະແຕນເຂົ້າ / Rice Grasshopper." Published August 1, 2022. https://www.phakhaolao.la/kb/0000725.
Cyrtacanthacris concisa Walker, 1870
Cyrtacanthacris internexa Walker, 1870
Gryllus (Locusta) ranacea Stoll, 1813
Acridium ruficorne Serville, 1838
Cyrtacanthacris subliturata Walker, 1870
ຕັກກະແຕນເຂົ້າເປັນຕັກກະແຕນຂະໜາດໃຫຍ່, ເມື່ອໂຕເຕັມໄວ ມີຂະໜາດຍາວ 10 ຊມ, ລຳໂຕເປັນສີເທົາຈາງໆ ປົນກັບສີດຳ ຫຼື ສີເຫຼືອງເທົາ. ໂຕຜູ້ຈະມີຂະໜາດ 6-6.5 ຊມ ແລະ ໂຕແມ່ຈະຍາວ 8-10 ຊມ. ສີຂອງໂຕຜູ້ ແລະ ໂຕແມ່ຄືກັນ, ລຳໂຕມີສີນ້ຳຕານອ່ອນສະຫຼັບກັບຈຸດສີນ້ຳຕານແກ່. ແກ້ມທັ້ງສອງຂ້າງມີແຖບສີດຳພາດຈາກຂອງຕາລວມດ້ານລຸ່ມເຖິງປາກ. ປີກຍາວກາຍລຳໂຕໄປປະມານ 1/5 ເທົ່າໂຕ. ປີກຄູ່ທຳອິດແຂງມີແຖບສີຂາວ, ດ້ານໃນສີເຫຼືອງອ່ອນ, ປີກຄູ່ໃນເປັນເຍື່ອບາງໃສ, ໂຄນປິກເປັນສີຂາວ ຫຼື ສີບົວ. ມີປາກແບບກັດ. ຕາ 1 ຄູ່ເປັນຕາປະສົມ. ມີໜວດແບບເສັ້ນດ້າຍ. ມີຂາ 3 ຄູ່, ຂາຍ່າງ 2 ຄູ່, ຂາກະໂດດ 1 ຄູ່.
ໃນຮອບໜື່ງປີ ມີການຂະຫຍາຍພັນພຽງ 1 ຄັ້ງ. ລະດູປະສົມພັນຢູ່ໃນຊ່ວງເດືອນມິນ-ເມສາ, ອັດຕາສ່ວນໂຕຜູ້ 1 ໂຕແມ່ 2 ໂຕ. ເມື່ອປະສົມພັນແລ້ວໂຕແມ່ຈະວາງໄຂ່ໃນດິນ ລະຫວ່າງເດືອນເມສາ-ພືດສະພາ. ວາງໄຂ່ເລິກຈາກໜ້າດິນ 2-5 ຊມ, ມີຂະໜາດເສັ້ນຜ່າສູນກາງປະມານ 8 ມມ, ຫໍ່ຫຸ້ມດ້ວຍຟອງນ້ຳສີຂາວ. ໂຕແມ່ຈະວາງໄຂ່ 1-3 ຮ່ວງ. ໄຂ່ 1 ຮ່ວງມີຈຳນວນໄຂ່ 96-152 ໜ່ວຍ, ເມື່ອລວມກັນໃນໄຂ່ 1-3 ຮ່ວງຈະມີໄຂ່ຈຳນວນ 288-457 ໜ່ວຍ. ອາຍຸໄຂ່ 35-51 ວັນ. ໄຂ່ຟັກເປັນໂຕອ່ອນໃນຊ່ວງເດືອນ ພືດສະພາ-ກໍລະກົດ. ໂຕອ່ອນຈະລອກຄາບປະມານ 5 ຄັ້ງ. ຊ່ວງອາຍຸໂຕອ່ອນ 56-81 ວັນ. ເລີ່ມເປັນໂຕເຕັມໄວປະມານເດືອນກໍລະກົດ, ອາຍຸເປັນໂຕເຕັມໄວ 8-9 ເດືອນ. ເມື່ອວາງໄຂ່ແລ້ວມັນຈະຕາຍ.