ເຄືອປໍເຕົ່າໄຫ້

ເຄືອປໍເຕົ່າໄຫ້ຈັດເປັນເຄືອເນື້ອແຂງ, ລໍາຕົ້ນລຽບເປັນສີນໍ້າເຂັ້ມ, ໜຽວ, ມີມືເກາະອອກກົງກັນຂ້າມກັນ, ກິ່ງອ່ອນ ແລະ ຍອດອ່ອນມີຂົນສີນໍ້າຕານແດງຂຶ້ນປະປາຍ. ໃບເປັນໃບດ່ຽວ, ອອກກົງກັນຂ້າມ, ລັກສະນະຂອງໃບເປັນຮູບໄຂ່ ຫຼື ຮູບຮີ, ກົກໃບເປັນຮູບຫຼີ້ມ ຫຼື ມົນ, ສ່ວນຂອບໃບລຽບ, ໃບກວ້າງ 3-6 ຊມ ແລະ ຍາວ 5-10 ຊມ, ແຜ່ນໃບໜາຄ້າຍແຜ່ນໜັງ, ຜິວໃບດ້ານເທິງກ້ຽງເປັນສີຂຽວ, ມີຂົນສີເທົາ, ດ້ານລຸ່ມເປັນສີເທົາ. ອອກດອກຢູ່ປາຍກິ່ງ, ຊໍ່ດອກເປັນແບບຊໍ່ຊີ່ຣົ່ມ, ມີດອກຈໍານວນຫຼາຍ 3-15 ດອກ, ດອກເປັນສີຂຽວ ຫຼື ສີເຫຼືອງ, ໃບປະດັບເປັນເຍື່ອບາງສີຄີມແກມສີຂຽວອ່ອນ, ມີລັກສະນະເປັນຮູບຮີ, ປາຍ ແລະ ກົກມົນ, ມີຂະໜາດກວ້າງ 1-1.5 ຊມ ແລະ ຍາວ 2-5 ຊມ, ກີບດອກຈະມີ 5 ກີບ ມີລັກສະນະເປັນຮູບລີ້ນ. ອອກໝາກເປັນໝາກສົດ, ລັກສະນະຂອງໝາກເປັນຮູບໄຂ່, ປາຍແຫຼມ, ຜິວກ້ຽງ ຫຼື ຂົນລະອຽດ, ຜະໜັງຊັ້ນໃນແຂງ, ໝາກເປັນສີຂຽວ, ມີຂະໜາດກວ້າງ 0.6-0.8 ຊມ ແລະ ຍາວ 1-1.5 ຊມ, ມີໃບປະດັບສີນໍ້າຕານອ່ອນ 2 ໃບ.