ຕົ້ນເບັນນໍ້າ

ຕົ້ນເບັນນໍ້າຈັດເປັນພັນໄມ້ຟຸ່ມເຄືອ, ມີຄວາມສູງ 3-5 ມ, ຕາມກິ່ງມີຂົນສີນໍ້າຕານແກມເຫຼືອງຂຶ້ນປົກຄຸມ, ເມື່ອແກ້ຜິວຈະກ້ຽງ,  ຂະຫຍາຍພັນໂດຍໃຊ້ແກ່ນ. ໃບເປັນໃບດ່ຽວອອກຂໍ້ດຽວກັນ 3-5 ໃບ, ລັກສະນະຂອງໃບເປັນຮູບຮີ ຫຼື ຮູບໃບຫອກ, ໃບກວ້າງ 3-5.5 ຊມ ແລະ ຍາວ 8-16 ຊມ, ເນື້ອໃບໜາມັນ ຫຼື ຄ່ອນຂ້າງໜາມັນ. ອອກດອກເປັນຊໍ່ກະຈາຍຢູ່ປາຍຍອດ ຫຼື ຕາມງ່າມໃບ, ຊໍ່ດອກຍາວ 8-20 ຊມ, ດອກເປັນສີຂາວ ຫຼື ຂາວອົມເຫຼືອງ, ມີກິ່ນຫອມ, ກາບດອກເຊື່ອມຕິດກັນເປັນທໍ່ຍາວ 1-1.5 ມລມ, ກີບດອກເປັນ 5 ກີບ. ໝາກເບັນນໍ້າມີລັກສະນະເປັນຮູບຮີແຄບ, ກວ້າງ 1-1.5 ຊມ ແລະ ຍາວ 3-3.5 ຊມ, ຜິວໝາກກ້ຽງສີນໍ້າຕານດໍາເປັນມັນ, ບໍ່ມີກ້ານ, ມີຄີບປີກແຂງ 5 ປີກ ຫຼື ອາດພົບແບບ 4 ຫຼື 6 ປີກ.