ແມງຕັກກະແຕນເຂົ້ານ້ອຍ / Small Rice Grasshopper
APA 6th ed. ແມງຕັກກະແຕນເຂົ້ານ້ອຍ / Small Rice Grasshopper. (2019, December 5). Retrieved from https://www.phakhaolao.la/kb/0000571
MLA 8th ed. ແມງຕັກກະແຕນເຂົ້ານ້ອຍ / Small Rice Grasshopper. Pha Khao Lao, 5 December 2019, https://www.phakhaolao.la/kb/0000571.
Chicago 17th ed. Pha Khao Lao. 2019. "ແມງຕັກກະແຕນເຂົ້ານ້ອຍ / Small Rice Grasshopper." Published December 5, 2019. https://www.phakhaolao.la/kb/0000571.
Oxya rufostriata Willemse, 1925
Oxya simplex (Walker, 1870)
Oxya sinense (Walker, 1870)
Oxya straminea (Walker, 1870)
ລັກສະນະທົ່ວໄປ: ແມງຕັກກະແຕນເຂົ້ານ້ອຍ ມີຮ່າງກາຍຂະໜາດນ້ອຍ-ປານກາງ ປະມານ 28 ມມ. ລໍາຕົວເປັນສີຂຽວ ມີແຖບສີນໍ້າຕານພາດຕັ້ງແຕ່ຈຸດເຄິ່ງຕາຈົນຮອດປາຍປີກທາງດ້ານຂ້າງ ຂ້າງລະ 1 ແຖບ. ຮ່າງກາຍຂອງແບ່ງອອກເປັນ 3 ສ່ວນຄື: ສ່ວນຫົວ, ສ່ວນເອີກ ແລະ ສ່ວນທ້ອງ. ລັກສະນະໜວດ: 1 ຄູ່ ສັ້ນ ເປັນແບບເສັ້ນດ້າຍ (Filiform), ລັກສະນະປາກ: ແບບກັດກິນ (Chewing type), ລັກສະນະປີກ: ເນື້ອປີກຂ້ອນຂ້າງໜາ 2 ຄູ່, ຄູ່ທໍາອິດຂ້ອນຂ້າງໜາ (Tegmina) ປົກຫຸມປີກຄູ່ຫຼັງ ແລະ ຄູ່ຫຼັງເປັນແຜນບາງໃສ (Membrane). ລັກສະນະຂາ: ມີ 3 ຄູ່ ເປັນແບບໄຕຄານ (Walking legs) ແຕ່ມີຂາຄູ່ຫຼັງຈະມີຂະໜາດໃຫຍ່ ແລະ ຂາປ້ອງ Femur ມີຂະໜາດໃຫຍ່ແຂງແຮງ, ປ້ອງ Tibia ຍາວ ມີໜາມລຽນກັນເປັນແຖວຈໍານວນຫຼາຍ ໄວ້ສຳລັບກະໂດດ (Jumping leg). ລັກສະນະຕາ: ຕາລວມ (Compound eyes) ຂະໜາດໃຫຍ່ 1 ຄູ່ ແລະ ຕາດ່ຽວ (Ocelli) ຢູ່ລະຫວ່າງກາງຂອງຕາລວມ. ແຫຼ່ງທີ່ພົບແມງຕັກກະແຕນເຂົ້ານ້ອຍ: ສາມາດພົບຕາມປ່າເປີດ, ຕາມທົ່ງຫຍ້າ ແລະ ຕາມທົ່ງນາ. ອາຫານຂອງແມງຕັກກະແຕນເຂົ້ານ້ອຍ: ກິນສັດອື່ນເປັນອາຫານ.
ລາຄາຂາຍຕັກກະແຕນຂາລາຍແທບຕາມທ້ອງຕະຫຼາດ 10,000-15,000 ກີບ/ກິໂລ. ສາມາດພົບໄດ້ທົ່ວທຸກພາກຂອງ ສປປ ລາວ ທີ່ປະຊາຊົນບັນດາເຜົ່ານິຍົມນໍາມາປຸ່ງແຕ່ງເປັນອາຫານ, ທີ່ໃຫ້ສານອາຫານສູງຈຳພວກທາດໂປຼຕີນ (Protein), ນິຍົມນຳມາເປັນອາຫານຮັກສາພະຍາດຂາດສານອາຫານ, ນໍາມາຂາຍເປັນສິນຄ້າ, ນໍາມາເປັນອາຫານຂອງສັດ.
ການສືບພັນ (Reproduction): ການສືບພັນ ແລະ ວົງຈອນຊີວິດຂອງແມງຕັກກະແຕນຂາລາຍຂ້າງແທບແມ່ນອາໄສເພດຜູ້ ແລະ ເພດແມ່ ໃນການສືບພັນ. ການປະສົມພັນຈະຢູ່ໃນລະຫວ່າງເດືອນ 10-12. ສຳລັບແມງຕັກກະແຕນຊະນິດນີ້ຈະໃຊ້ຊ່ວງໄລຍະເວລາທີ່ບົ່ງບອກວ່າເປັນໂຕຜູ້ປະມານ 70 ວັນ ແລະ ໂຕແມ່ ປະມານ 80 ວັນ ຫຼັງຈາກເປັນອ່ອນ.
ໄລຍະໄຂ່ (Eggs): ຕົວແມ່ 1 ຕົວ ຈະວາງໄຂ່ປະມານ 30-40 ໜ່ວຍ, ໄຂ່ຈະແຕກອອກເປັນໂຕອ່ອນລະຫວ່າງເດືອນ 5-6. ໄຂ່ມີຄວາມກວ້າງປະມານ 1,5-2 ມມ ແລະ ຍາວປະມານ 3-5 ມມ. ການຈະວາງໄຂ່ເປັນກຸມໆ ກຸມໜຶ່ງປະມານ 5-10 ໜ່ວຍ. ໄຂ່ມີລັກສະນະເປັນໜ່ວຍກົມຍາວຄືເມັດເຂົ້າສານສີເຫຼືອງອ່ອນ-ຂາວຂຸ້ນໄສ. ໄຂ່ຈະແຕກອອກເປັນໂຕອ່ອນປະມານ 4-5 ອາທິດ.
ໄລຍະເປັນໂຕອ່ອນ (Nymphs): ລັກສະນະຂອງໂຕອ່ອນຄ້າຍກັບພໍ່ແມ່ແຕ່ບໍ່ມີປີກ, ຕົວອ່ອນທີແຕກອອກຈາກໄຂ່ໃໝ່ຈະເປັນສີຂຽວອ່ອນ. ຂະໜາດຮ່າງກາຍຕົວອ່ອນຄັ້ງທຳອິດປະມານ 1-2 ຊມ. ໂຕອ່ອນມີການລອກຄາບຈາກຕົວອ່ອນມາເປັນຕົວເຕັມໄວປະມານ 4-5 ຄັ້ງ.
ໄລຍະໂຕເຕັມໄວ (Adults): ຮ່າງກາຍຂະໜາດນ້ອຍ-ປານກາງ ປະມານ 28 ມມ. ລໍາຕົວເປັນສີຂຽວ ມີແຖບສີນໍ້າຕານພາດຕັ້ງແຕ່ຈຸດເຄິ່ງຕາຈົນຮອດປາຍປີກທາງດ້ານຂ້າງ ຂ້າງລະ 1 ແຖບ. ໜວດຍາວ 1 ຄູ່ ເປັນແບບເສັ້ນດາຍ (Filiform) ມີປ້ອງຈຳນວນຫຼາຍ. ມີຂາ 3 ຄູ່. ສ່ວນທ້ອງມີ ອະໄວຍະວະວ່າງໄຂ່ (Ovipositor): ທີ່ມີລັກສະນະຄ້າຍເຂັມທີ່ຢືດອອກມາຈາກສ່ວນທ້ອງ. ຂາຄູ່ຫຼັງປ້ອງ tibia ຈະປະກອບດ້ວຍໜາມລຽນເປັນແຖວຈໍານວນຫຼາຍ.