ແມງດານາ / Giant Water Bug

ການສືບພັນ (Reproduction): ການສືບພັນ ແລະ ວົງຈອນຊີວິດຂອງແມງດານາ ໂດຍອາໄສເພດຜູ້ ແລະ ເພດແມ່ ໃນການສືບພັນ ຊຶ່ງໄລຍະເວລາຂອງການສືບພັນຈະຢູ່ໃນລະຫວ່າງເດືອນ ກໍລະກົດ-ກັນຍາ. ໂຕແມ່ 1 ຕົວຈະໄຂ່ 3-4 ຄັ້ງ ຈຶ່ງຕາຍ.
ໄລຍະໄຂ່ (Eggs): ແມງດານາຕົວແມ່ 1 ຕົວ ຈະວ່າງໄຂ່ປະມານ 100-150 ໜ່ວຍ, ໄຂ່ມີລັກສະນະເປັນໜ່ວຍກົມສີເຫຼືອງອ່ອນແຖບສີເຖົາ, ໄຂ່ໄວ້ເປັນກຸ່ມ, ໜ່ວຍໄຂ່ຈະມີຂະໜາດລວງຍາວ 4-5 ມມ. ສໍາລັບການວ່າງໄຂ່ຂອງແມງດານາຈະວ່າງໄຂ່ໄວ້ຕາມພືດນໍ້າຫາງຈາກໜ້ານໍ້າປະມານ 3-5 ຊມ. ຊ່ວງໄລຍະເວລາທີ່ເປັນໄຂ່ຈະໃຊ້ເວລາປະມານ 2 ອາທິດ ຈຶ່ງແຕກມາເປັນໂຕອ່ອນ. 
ໄລຍະເປັນໂຕອ່ອນ (Nymphs): ລັກສະນະຂອງໂຕອ່ອນທີ່ແຕກອອກມາຈາກໄຂ່ໃໝ່ໆຈະເປັນສີຂາວອ່ອນ ແລະ ຜ່ານໄປປະມານ 3-4 ຊົວໂມງ ຈະກາຍເປັນສີເຖົາປົນດຳ, ຕົວອ່ອນຈະຄາຍຄືພໍ່ ແລະ ແມ່ ແຕ່ບໍ່ມີປີກ. ການລອກຄາບຂອງຕົວອ່ອນແມງດານາມາເປັນຕົວເຕັມໄວປະມານ 4-5 ຄັ້ງ ແລະ ໃຊ້ເວລາກ່ອນຈະເປັນຕົວເຕັມໄວທີ່ສາມາດປະສົມພັນໄດ້ປະມານ 4-5 ເດືອນ.
ໄລຍະໂຕເຕັມໄວ (Adults): ຂະໜາດຮ່າງກາຍປານກາງຫາໃຫຍ່ ຮູບຮ່າງແປ ເປັນແບບຮູບຮີ (ຂະໜາດຮ່າງກາຍຂອງຕົວຜູ້ປະມານ 47-57 ມມ ແລະ ຕົວແມ່ປະມານ 58-59 ມມ). ຮ່າງກາຍເປັນສີນໍ້າຕານປົນແດງ, ຫົວເປັນແບບງໍ້າເຂົ້າຫາລໍ້າຕົວ (Opisthognathous), ປີກ 2 ຄູ່ ເປັນແບບ (Hemelytra).