ໝາກແຄ້ງ / Turkey berry
APA 6th ed. ໝາກແຄ້ງ / Turkey berry. (2021, September 13). Retrieved from https://www.phakhaolao.la/kb/0000375
MLA 8th ed. ໝາກແຄ້ງ / Turkey berry. Pha Khao Lao, 13 September 2021, https://www.phakhaolao.la/kb/0000375.
Chicago 17th ed. Pha Khao Lao. 2021. "ໝາກແຄ້ງ / Turkey berry." Published September 13, 2021. https://www.phakhaolao.la/kb/0000375.
Solanum torvum var. daturifolium (Dunal) O.E. Schulz
Solanum torvum var. lasiostylum Y.C. Liu & C.H. Ou
Solanum torvum var. pleiotomum C.Y. Wu & S.C. Huang
ໄທ: ໝາກເຂືອພວງ, ໝາກແຄ້ງ, ໝາກເຂືອລະຄອນ, ເຂືອນ້ອຍ, ເຂືອເທດ, ມະແວ້ງຊ້າງ, ເຂືອພວງ
ອັງກິດ: Turkey berry
ໝາກແຄ້ງເປັນໄມ້ພຸ່ມເຕ້ຍ ສູງ 1-2 ມ. ລໍາຕົ້ນ ແລະ ກິ່ງປົກຄຸມດ້ວຍໜາມ ແຕ່ບາງຊະນິດພັນທີ່ນິຍົມປູກໃນປະຈຸບັນຈະບໍ່ມີໜາມ ກິ່ງຈະແຕກອອກຕັ້ງແຕ່ລະດັບຕໍ່າຈາກລໍາຕົ້ນ ກິ່່ງມີຈໍານວນໜ້ອຍ. ໃບດ່ຽວຈັບແບບຮຽງສະຫຼັບ, ໃບຮູບຮີ ຫຼື ຮູບໄຂ່ ຍາວ 7-25 ຊມ, ກ້ວາງ 5-20 ຊມ, ກົກໃບມົນ ຫຼື ວໍ້າ, ຂອບໃບວໍ້າ ຫຼື ເປັນຄື້ນ ປາຍໃບແຫຼມ ຜີວໃບຊາມີຂົນທັງສອງດ້ານ. ຊໍ່ດອກແບບກະຈຸກອອກຕາມຊອກໃບ ຫຼື ປ່າຍກິ່ງ ດອກສີຂາວ ກາບດອກສີຂຽວ ກີບດອກສີຂາວເຊື່ອມຕິດກັນເປັນຮູບດາວ ເກສອນຜູ້ເຊື່ອມຕິດກັນສີເຫຼືອງ. ໝາກກົມມົນ ໝາກອ່ອນມີສີຂຽວ ເວລາແກ່ເປັນສີເຫຼືອງ ເປືອກໝາກດິບຄ່ອນຂ້າງຫນາ ແລະ ໜຽວ ແຕ່ເມື່ອສຸກຄວາມຫນາຂອງເປືອກຈະບາງ ມີແມ່ນແກ່ນຈໍານວນຫຼາຍ.
ໝາກມີລົດຊາດຂົມອ່ອນ ໝາກອ່ອນສາມາດກິນເປັນຜັກສົດ ຫຼື ນໍາມາລວມເຮັດຊຸບ, ລວກກິນກັບປົ່ນ, ກັບແຈ່ວ, ນໍາໄປໃສ່ເອາະຫຼາມ, ອ່ອມ ແລະ ແກງໜໍ່ໄມ້. ໝາກດິບຍັງນໍາໄປພັນໝ້ຽງ ແລະ ໃສ່ແໜມປາ. ຮາກນໍາມາຕົ້ມນໍ້າດື່ມ ເປັນຢາປົວລົງຂາວ ແລະ ອື່່ນໆ.