ດອກແຄ / Dok Khae
APA 6th ed. ດອກແຄ / Dok Khae. (2019, April 3). Retrieved from https://www.phakhaolao.la/kb/0000349
MLA 8th ed. ດອກແຄ / Dok Khae. Pha Khao Lao, 3 April 2019, https://www.phakhaolao.la/kb/0000349.
Chicago 17th ed. Pha Khao Lao. 2019. "ດອກແຄ / Dok Khae." Published April 3, 2019. https://www.phakhaolao.la/kb/0000349.
Markhamia stipulata (Wall.) Seem. ex K. Schum.
Markhamia stipulata var. cauda-felina (Hance) Santisuk
Markhamia stipulata var. kerrii Sprague
Markhamia stipulata var. pierrei (Dop) Santisuk
Markhamia stipulata var. stipulata
Markhamia stipulata var. velutina (Kurz) Sprague
ໄທ: ແຄຂອນ, ແຄຫາງຂາງ, ແຄປຸມມູ, ແຄໝາກລິມ, ແຄໝູ, ແຄເບື່ອໝູ, ແຄອາວ, ຄຸຍ.
ວຽດນາມ: ດາຍນາງ, ດິງຈອກ, ຣອດແມວ, ຖຽດດິງ, ດອຍເມືອງ, ດິງ.
ຈີນ: ຊີນາມເມົາໄວມູ.
ຕົ້ນດອກແຄເປັນໄມ້ຢືນຕົ້ນ ມີຄວາມສູງ 5-15 ມ, ເຮືອນຍອດໂລ່ງ, ໜ້າຕ້າງພຽງເອິກ 25-48 ມ. ກິ່ງງ່າອ່ອນ, ໃບ ແລະ ກ້ານພົ້ວດອກ ເປັນສີເຫຼືອງ-ໝົ່ນ ແລະ ມີຂົນ. ໃບເປັນໃບປະສົມ ມີ 4 ໃບ ຫາ 8 ຄູ່, ຍາວ 30-55 ຊມ, ເປັນຄື້ນ; ໃບຄູ່ທຳອິດຂ້ອນຂ້າງນ້ອຍ ແລະ ມົນກວ່າ ໃບຢູ່ສ່ວນປາຍ. ພົ້ວດອກຍາວ ປະມານ 40 ຊມ, ປະກອບດ້ວຍ 4 ຫາ 10 ດອກ. ດອກຈູມ ເປັນຮູບກະບອກ ມີກິ່ນຫອມ ແລະ ມີເສັ້ນສີຂີ້ໝ້ຽງແກມຊົມພູ. ໝາກເປັນຝັກ ມີຂະໜາດ 30-70 x 2-4.5 ຊມ ແລ້ວແຕກອອກເປັນສອງງີມ. ແກ່ນມີຂະໜາດ 3-5 x 1-1.3 ຊມ, ເປັນຮູບຈວຍ ແລະ ມີປີກຢູ່ສອງສົ້ນ. ແຄປ່າ (Markhamia stipulata var. stipulata and var. kerri Sprague ສາມາດຈຳແນກຈາກພັນອື່ນໄດ້ ດ້ວຍຂອບໃບເປັນແຂ້ວຕື້ນໆຂອງມັນ; ສ່ວນແຄເຫຼືອງ var. pierrii ມີດອກຂ້ອນຂ້າງແດງ.
ເປືອກຖາກແລ້ວອົມ ດີປາກເປັນກ່າງ, ແຊ່ເປືອກກິນ ເປັນຢາດີເຫຼືອງ ແລະ ດອກກິນໄດ້ມີລົດຊາດຂົມ ເປັນອາຫານທີ່ນິຍົມຂອງຄົນລາວ ແຕ່ເໝືອເຖິງໃຕ້ ແລະ ຄົນທາງພາກອີ່ສານຂອງປະເທດໄທກໍ່ນິຍົມກິນດອກ. ການປຸງແຕ່ງດອກເປັນອາຫານມີຫຼາຍແບບຫຼາຍວິທີຄື: ໝື່ງດອກແລ້ວຊຸບ, ຕໍາໃສ່ໝາກເຜັດ, ຕໍາໃສ່ຂີງແລ້ວຂົ້ວ ຫຼື ຝັກຊີ້ນໝູປົນກັບເສັ້ນລ້ອນ ແລະ ໄຂ່ແລ້ວໝື່ງກາຍເປັນອາຫານທີ່ແຊບ ແລະ ໝາກອ່ອນຂອງມັນກໍ່ໃຊ້ເປັນອາຫານໄດ້ຄືກັນ.