ຜັກຮາກຕີນຮຸ້ງ / Flowering Fern

ການນຳໃຊ້

ອາຫານ

ພືດເປັນຢາ

ຊື່ວິທະຍາສາດ / ຕະກຸນ

Helminthostachys zeylanica (L.) Hook. / Ophioglossaceae

ຊື່ພ້ອງ

Ophiala zeylanica (L.) Desv.

ຊື່ອື່ນ

ລາວ: ຜັກຮາກຕີນຮຸ້ງ
ໄທ: ກູດຈອງ, ກູດດິນຂວາງ, ກູດຕີນຮຸ້ງ, ກູດຊ້າງ, ຕີນນົກຍູງ, ຜັກນົກຍູງ, ຕູຢູລາຢີ.
ວຽດນາມ: ກວນທຣົງ, ຊາມດາດຣັງເຣິງງິ, ຊາມບົງບົງ.
ຈີນ: ການຮົງ, ດິວູກອງ.
ອັງກິດ: fern

ບັນຍາຍລັກສະນະພືດສາດ

ຜັກຕີນຮຸ້ງເປັນພືດລົ້ມລຸກ ອາຍຸຫຼາຍປີ ສູງ 20-50 ຊມ. ຮາກຂະຫຍາຍຕົວຢູ່ໃຕ້ດິນຮາກເຫົ້ງາແຕກແຫນງອອກເປັນຮາກນ້ອຍຫຼາຍໆຮາກ. ແຕ່ລະປີເກີດໝໍ່ຈາກຮາກເຫົ້ງາ ບໍ່ເກີນ 1 ໝໍ່. ໃບອອກເປັນວົງ ທີ່ບໍລິເວນທາງປາຍຍອດ, ສ່ວນຫຼາຍມີ 3 ໃບ ປົ່ງຈາກຈຸດດຽວກັນ, ແຕ່ລະໃບແຍກອອກເປັນໃບຍ່ອຍ 2-5 ໃບ, ຂອບໃບເປັນແສກນ້ອຍໆ ແລະ ບາງອັນຍັງວໍ້າເຂົ້າເລີກເສັ້ນກ່າງໃບຂັ້ນໝື່ງມີຈໍານວນຫຼາຍ ແລະ ຂະຫນານກັນໄປທາງຂອບໃບ. ຊໍ່ດອກ ຫຼື ຊໍ່ຫມາກກົມ ເປັນຊໍ່ຮວງ ຕັ້ງ (spike) ຊໍ່ຍາວ 10-20 ຊມ. ອອກດອກ ເດືອນ 6-7 ໝາກແກ່ພາຍໃນເດືອນສີງຫາ.

ບັນຍາຍການນຳໃຊ້

ຮາກຜັກຕີນຮຸ້ງ ເປັນຢາພື້ນເມື່ອງທີ່ໃຊ້ປິ່ນປົ່ວໂລກທ້ອງບິດ, ສໍາລັບຢູ່ປະເທດຈີນ ເພີ່ນນໍາໃຊ້ເປັນຢາເຢັນ ແລະ ເຮັດໃຫ້ຮ່າງກາຍແຂງແຮງ, ນອກຈາກນັ້ນ ຍັງໃຊ້ເປັນຢາປິ່ນປົວ ໄຂ້ຍູງອີກດ້ວຍ. ສ່ວນຍອດອ່ອນຂອງມັນ ກໍ່ໃຊ້ກິນເປັນອາຫານໄດ້.

ເອກະສານອ້າງອີງ / ການອ້າງອີງ

NAFRI, NUoL, SNV. 2007. Non-Timber Forest Products in the Lao PDR. A Manual of 100 Commercial and Traditional Products. The National Agriculture and Forestry Research Institute. Vientiane, Lao PDR.

Uphof, J.C.Th. 1968. Dictionary of Economic Plants.

Saydara, K. and V. Lamxay, 1999. Non-Timber Forest Products with commercial potential in Lao PDR, Vientiane. ( In Lao )

ຜູ້ຮ່ວມມືໃນການສ້າງ

ຮຽບຮຽງ: ເດືອນເພັງ ສີຫາລາດ, ກວດແກ້: ແກ້ວອຸດອນ ສຸວັນນະກູມມານ