ຜັກກະສັງ / Shiny Leave

ຜັກກະສັງຈັດເປັນພືດລົ້ມລຸກລຳຕົ້ນອ່ອນບາງຫັກງ່າຍ, ມີຄວາມສູງປະມານ 15–30 ຊັງຕີແມັດ. ລຳຕົ້ນ ແລະ ໃບເປັນສີຂຽວ ແລະ ອວບນ້ຳ. ໃບດ່ຽວຈັບລຽງສະຫຼັບໂດຍຈະອອກຈາກລຳຕົ້ນໃນລັກສະນະກົງກັນຂ້າມ, ລັກສະນະຂອງໃບເປັນຮູບຫົວໃຈ, ປາຍໃບແຫຼມ, ສ່ວນຂອບໃບລຽບ, ມີຕ່ອມໂປ່ງແສງ, ແຜ່ນໃບໜາເປັນຄື່ນເລັກນ້ອຍ, ຜີວໃບດ້ານເທີງມັນ, ດ້ານລຸ່ມຂຸ່ນ ແລະ ມີສີອ່ອນກວ່າ, ໃບມີຂະໜາດກວ້າງປະມານ 1–3 ຊັງຕີແມັດ ແລະ ຍາວປະມານ 1–4 ຊັງຕີແມັດ. ດອກເປັນຊໍ່ຕາມຊອກ ແລະ ຢູ່ປາຍກິ່ງ. ຊໍ່ດອກເປັນສີຂຽວອ່ອນ ຫຼື ສີຄີມ, ຊໍ່ດອກຈະອອກບໍລິເວນຂໍ້ກົງກັນຂ້າມກັບໃບປະກອບໄປດ້ວຍດອກນ້ອຍໆທີ່ບໍ່ມີກ້ານ, ມີດອກຍ່ອຍຈຳນວນຫຼາຍວຽນຮອບແກນ. ດອກເປັນດອກສົມບູນເພດບໍ່ມີກີບດອກ ແລະ ກີບລ້ຽງ, ມີໃບປະດັບດອກລະ 1 ອັນ. ໃບດອກມີເກສອນເພດຜູ້ 2 ອັນຢູ່ຂ້າງຮັງໄຂ່ເປັນສີຂາວກ້ານສັ້ນ, ເກສອນແມ່ 1 ອັນ, ຮັງໄຂ່ມີລັກສະນະກົມຢູ່ເໜືອຖານດອກ. ໝາກສົດມີລັກສະນະກົມ. ພາຍໃນໝາກມີເມັດ 1 ເມັດ, ເມັດເປັນສີດຳກົມ ແລະ ມີຂະໜາດນ້ອຍ.