ຜັກກູດໂງ່ງ / Climbing Fern

ຈັດເປັນຜັກກູດທີ່ມີເຄືອພາດພັນໄປຕາມຕົ້ນໄມ້ຊະນິດອື່ນ, ເຫງົ້າສັ້ນມີຂົນສີນ້ຳຕານເຂັ້ມໜາແໜ້ນ, ມີຂະໜາດເສັ້ນຜ່າສູນກາງປະມານ 2-4 ມມ, ບໍ່ມີເກັດໃບ. ລຳຕົ້ນເມື່ອແກ່ຈະມີສຳດຳ ແລະ ເປັນມັນ. ໃບເປັນໃບປະສົມແບບຂົນນົກຂັ້ນສອງ ແກນກາງມີລະນະນະເປັນເຄືອເລື້ອຍ ກ່າງກາງໃບປະກອບດ້ວຍຊັ້ນທີ່ຊັດເຈັນ ໂຄນກ້ານໃບເປັນສີນຳຕານ ສ່ວນທດ້ານເທີງເປັນສີເຫຼືອງອົມນ້ຳຕານ ມີຂົນສີນຳ້ຕານ ມີປືກແຜ່ຍີ່ນອອກມາບໍ່ຊັດເຈນ ຫຼື ບໍ່ມີ, ໃບຍ່ອຍອອກລຽງກັນໃນກາງໃບ ໂດຍໃບຍ່ອຍທີ່ບໍ່ສ້າງສະປໍ, ກ້ານໃບຍ່ອຍຈະຍາວໄດ້ປະມານ 2-4 ມມ, ແຜ່ນໃບເປັນຮູບໃບຫອກ, ປາຍໃບມົນ ຫຼື ແຫຼມ, ໂຄນໃບເປັນຮູບຫົວໃຈ ສ່ວນຂອບໃບເປັນແບບແຂ້ວເລື້ອຍ, ມີຂະໜາດກວ້າງປະມານ 1-2 ຊມ, ແລະ ຍາວປະມານ 4-7 ຊມ, ແຜ່ນໃບບາງຄ້າຍກະດາດ, ຜີວໃບມີຂົນໃສ ຫຼັງໃບກ້ຽງ, ສ່ວທ້ອງໃບມີຂົນຂື້ນກະຈາຍຕາມເສັ້ນໃບສ່ວນໃບຍ່ອຍທີ່ສ້າງສະປໍມັກຢູ່ສ່ວນຍອດ, ປະກອບດ້ວຍຈຸລັງພຽງແຖວດຽວ, ຮຽງຕົວໃນແນວຂວາງ ແລະ ຢູ່ຍອດຂອງຖົງສະປໍ ເຍື່ອຄູມກຸ່ມຖົງສະປໍທຽມຈະມີລັກສະນະເປັນຖົງຊ້ອນກັນ ແລະ ມີຂົນໃສ ກຸ່ມສະປໍ່ນັ້ນຈະເກີດທີຂອງໃບຍ່ອຍ ມີຂະໜາດກວ້າງປະມານ 1,5 ມມ, ແລະ ຍາວໄດ້ເຖີງ 1 ຊມ, ສ່ວນອືກຂໍ້ມູນລະບຸວ່າລັກສະນະຂອງໃບຍ່ອຍນັ້ນຈະມີຢູ່ຫຼາຍຮູບຮ່າງເຊັ່ນ ຂອບຂະໜາດ ເຖີງ ຮູບສາມຫຼ່ຽມຍາວ, ຂອບໃບຍັກເປັນແຂ້ວເລື້ອຍ, ໃບມີຂະໜາດກວ້າງປະມານ 7-12 ຊມ, ແລະ ຍາວປະມານ 10-25 ຊມ.