ຕົ້ນປໍປ່ານ / Ramie

ເພີ່ນໄດ້ເກັບເອົາທັງຕົ້ນ ແລະ ທູບເອົາເສັ້ນໃຍຈາກເປືອກທີ່ຢູ່ຊັ້ນໃນສຸດຂອງເປືອກຂອງຕົ້ນມາດືງເອົາເສັ້ນໃຍເພື່ອເປັນສີ່ງທີ່ນຳມາຕໍ່າ ຫຼື ເຮັດເປັນເຊືອກທີ່ຕ້ອງການໃຊ້ງານ, ນອກນັ້ນຍັງເກັບໃບປານມາເຮັດເກືອສັດລ້ຽງ ແລະ ເປັນສ່ວນປະສົມຂອງເຂົ້າໜົມປ່ານ. ເສັ້ນໃຍທີ່ໄດ້ຈາກປ່ານບາງຄັ້ງເອີ້ນວ່າ rhea fiber ສ່ວນຂອງເສັ້ນໃຍໄດ້ຈາກສ່ວນໃນຂອງເປືອກ ເສັ້ນໃຍຕິດເປືອກເປັນທີ່ຮູ້ຈັກກັນໂດຍທົ່ວໄປໃນນາມຂອງ China grass ດັ່ງນັ້ນ ຜົນຜະລິດທີ່ໄດ້ຈາກເສັ້ນໃຍຂອງປານຈື່ງມັກເອີ້ນວ່າ grass linen ເສັ້ນໃຍປານຈັດເປັນເສັ້ນໃຍທຳມະຊາດທີ່ໜຽວທົນທີ່ສຸດ ມີລັກສະນະເປັນມັນຄ້າຍເສັ້ນໄໝມີສີເຫຼືອງອ່ອນ (ເສັ້ນໃຍຈະມີສີຂາວເມື່ອຟອກດ້ວຍສານຟອກສີ) ສາມາດດູດຄວາມຊຸ່ມ ແລະ ຄາຍຄວາມຊຸ່ມໄດ້ຢ່າງໄວວາ ມີຄວາມຍືດຍຸ່ນນ້ອຍ ຕ້ານທາງຕໍ່ການຫົດຕົວ, ການຜູຜັງ ແລະ ບໍ່ຫຍໍ້ຍັບງ່າຍ ເໝາະສຳລັບທີຈະໃຊ້ເຮັດສີ່ງທີ່ແປຮູບເປັນເຄື່ອງໃຊ້ພາຍໃນບ້ານເຮືອນ ແລະ ອື່ນໆ ໃຊ້ປະສົມກັບຂົນສັດໃນອັດຕາສ່ວນປະມານ 25% ຈະຊ່ວຍເຮັດໃຫ້ຜ່າຂົນສັດບໍ່ຫົດ ແລະ ລຽບດ ເມື່ອປະສົມກັບເສັ້ນໃຍສັງເຄາະໂພລີເຍສເຕີ ປະມານ 35% ຈະໄດ້ ຜ້າທທີ່ສວມໃສ່ສະບາຍໃນສະພາບອາກາດຮ້ອນ ແລະ ທົນທານຕໍ່ການຫັກພັບ ຫຼື ຮອຍຫຍໍ້ ຜ້າທີ່ຕໍ່າຈາກເສັ້ນໃຍປານອາດໃຊ້ຕັດເປັນເສືອນອກເສືອເຊີດ ເສືອຊັນໃນ ເຄື່ອງປະດັບໃນບ້ານ ເຮັດເຊືອກ, ເສັ້ນດ້າຍ, ຜ້າໃບ, ແລະ ຜົນຜະລິດທາງດ້ານອຸດສາຫະກຳອື່ນໆ ອິກຫຼາຍເຊັ່ນ: ສາຍພານໃຊ້ຫຸ້ມເສັ້ນລວດ ເປັນສະນວນສາຍໂທລະສັບ ທ່ໍດັບໄຟ ເຄື່ອງບັນຈຸຂອງຕ່າງໆ. ໂດສະເພາະໃຊ້ປ້ອງກັນການຮົວຊືມຂອງນ້ຳທີ່ແກນໃບພັນທ້າຍເຮືອ ໂດຍທົ່ວໄປເສັ້ນໃຍຈາກປານມີການໃຊ້ເຮັດເຄື່ອງນຸ່ງຫົ່ມ ແລະ ໃຊ້ເຮັດເຄື່ອງບັນຈຸຫຼາຍທີສຸດ ໃບ ແລະ ຍອດຕົ້ນປ່ານໃນປະສົມອາຫານສັດໄດ້ຢ່າງດີ ແລະ ມີໂປຕິນສູງ. ໃນປະເທດແມ່ນໄດ້ການເປັນສ່ວນປະສົມທີ່ມີຊື່ສຽງກໍ່ຄືເຂົ້າໜົມປ່ານທ່າແຂກ.