ໄມ້ກໍ່ແປ້ນ / Nipple Oak

Language

ການນຳໃຊ້

ສີນຄ້າ

ສີ່ງປູກສ້າງ

ກ້ອນນ້ຳມັນຢາງ / ນ້ຳຢາງ

ຊື່ວິທະຍາສາດ / ຕະກຸນ

Lithocarpus harmandii (Hickel & A.Camus) A.Camus / Fagaceae

ຊື່ພ້ອງ

Lithocarpus harmandii subsp. harmandii
Pasania harmandii Hickel & A.Camus

ຊື່ອື່ນ

Thai: Kor Khi Nou
Vietnamese name: Dẻ se; Dẻ harmand; sồi đá harmand; sồi xe

ບັນຍາຍລັກສະນະພືດສາດ

ເປັນໄມ້ຢືນຕົ້ນສູງແຕ່ 14-20 ມ. ເປືອກມີຮອຍແຕກເລັກນ້ອຍ, ເສັ້ນເປືອກໄຍຢັ່ງເຂົ້າໃນຊັ້ນໄມ້. ໃບຈັບວຽງສະຫຼັບ, ແຜ່ນໃບຮູບຮີ ຫຼື ຮູບຂອບຂະໜານ, ໂຄນບ້ຽວ, ຂອບໃບລຽບ, ປາຍໃບ ສ້ວຍມຸມເຫວີ, ແຜ່ນໃບແຂງ ແລະ ໜາ, ກ້ຽງທັ້ງສອງດ້ານ. ຊໍ່ດອກຜູ້ ຍາວ 5-17 ຊມ. ຊໍ່ດອກແມ່ຍາວກວ່າເລັກນ້ອຍ. ໝາກຮູບຮີ, ກ້ານສັ້ນໆ, ກວ້າງ 1.2-2 ຊມ, ສູງ 2-4 ຊມ. ລວມກາບຫຸ້ມ ເຊື່ອມ ຕິດກັນ ທີໂຄນ ຫຼື ແຍກກັນ ກາບຫຸ້ມຜົນປະມານໜື່ງໃນສາມ, ໂຄນໜາມີເກັດລຽງລະຫຼັບ, ສີນ້ຳຕານເທົາ ເຊື່ອມຕິດກັນ.

ບັນຍາຍການນຳໃຊ້

ໄມ້ກໍ່ຊະນິດນີ້ມີທາດຂີ້ນີນ ( tannins) ຢູ່ໃນເປືອກສາມາດນຳມາໃຊ້ເປັນສີຍ້ອມ ແລະ ຍ້ອມເຊືອກເພື່ອໃຫ້ທົນທານ. ໄມ້ກໍ່ໄດ້ມີການນຳໃຊ້ໃນທ້ອງຖີ່ນໂດຍນຳໃຊ້ເຮັດ ຫຼັກຮົ້ວ, ອຸປະກອນສຳຫຼັບຂຸດຄົ້ນບໍ່ແຮ່, ໂຄງສ້າງຂອງເຮືອນຊານ, ເຄື່ອງມີສຳຫຼັບການກະເສດຕ່າງໆ. ກີ່ງງ່າໄມ້ໃຊ້ສຳຫຼັບເປັນໄມ້ຟືນ ແລະ ເຜົາຖ່ານ. ເມັດສາມາດກິນໄດ້ ໂດຍການນື່ງໃຫ້ສຸກ ຫຼື ກີນດິບ. ສາມາດເປັນສ່ວນປະສົມຂອງເຂົ້າໜົມ ຫຼື ຂອງຫວານປະເພດຕ່າງໆ.

ເອກະສານອ້າງອີງ / ການອ້າງອີງ

Chamlong Phengklai et al. 1984. Fagaceae of Thailand. BRT, The Thai Response to Biodiversity.

Chamlong Phengklai, Thai Forest Bulletin, no 34. 2006. The Forest Herbarium, Royal Forest Department, Bangkok, Thailand.

Soepadmo, E., Saw, L.G. & Chung, R.C.K. 2002. Tree Flora of Sabah and Sarawak vols. 1-6. Forest Research Institute Malaysia; Kuala Lumpur.

ຜູ້ຮ່ວມມືໃນການສ້າງ

ແກ້ວອຸດອນ ສຸວັນນນະກູມມານ / Keooudone Souvannakhoummane