ໄມ້ໂລງເລງຈີນ / Yunnan Catkin Yew

ເປັນໄມ້ຢືນຕົ້ນສູງເຖິງ 30 ມ ແລະ 0.8 ມ, ເຮືອນຍອດຊົງສວຍ ບໍ່ສະໝ່ຳສະເໜີ. ກີ່ງງ່າໂຄ້ງລົງ, ຍອດອ່ອນແຕກໃໝ່ໃນປີທຳອິດຈະເປັນຮູບຂອບຂະໜານ ຫຼື ຮູບໄຂ່. ໃບສີຂຽວເຂັ້ມ, ຮູບຫອກກວ້າງ ຫຼື ຮູບກ່ຽວ, ຮຽວແຫຼມຫາປາຍ, ຍາວ 3.5-10 ຊມ, ກວ້າງ 0.8-1.5 ຊມ, ໜາ, ມີເສັ້ນກາງຂະແໜງສີນ້ຳຕານ ຫຼື ສີເຫຼືອງອ່ອນເມື່ອແກ່, ກວ້າງ 3-4 ມມ, ຂະແໜງຍາວຮອດຂອບໃບ 1.5-2 ມມ. ດອກເພດຜູ້ເກີດເປັນຈຸ້ມ 4-5 ອັນ. ດອກເພດແມ່ເກີດຈາກງ່າມໃບ, ຮຽວຍາວ ຫຼື ຮູບໄຂ່. ເຍື້ອຫຸ້ມແກ່ນເປັນສີຂາວ ປົນສີແດງ, ຍາວ 2.2-3 ຊມ, ກວ້າງ 1.4-1.5 ຊມ. ແກ່ນຮູບຮີ, ມີປາຍສັ້ນໆ. ດອກເມື່ອເດືອນມີນາ, ແກ່ນແກ່ເມື່ອເດືອນ ຕຸລາ (Averyanov et al. 2014).