ໄມ້ແປກສາມຍອຍ / Three-needled Pine
APA 6th ed. ໄມ້ແປກສາມຍອຍ / Three-needled Pine. (2019, April 3). Retrieved from https://www.phakhaolao.la/kb/0000205
MLA 8th ed. ໄມ້ແປກສາມຍອຍ / Three-needled Pine. Pha Khao Lao, 3 April 2019, https://www.phakhaolao.la/kb/0000205.
Chicago 17th ed. Pha Khao Lao. 2019. "ໄມ້ແປກສາມຍອຍ / Three-needled Pine." Published April 3, 2019. https://www.phakhaolao.la/kb/0000205.
Pinus insularis var. khasyana (Griff.) Silba
Pinus kasya Parl.
Pinus kasya Royle ex Parl.
Pinus khasia Engelm.
Pinus khasya Hook.f.
Pinus khasyana Griff.
Lao: Paek sam bai
Vietnamese: Thông ba lá
ເປັນໄມ້ຢືນຕົ້ນ ສູງເຖີງ 35 ມ ແລະ ເສັ້ນຜ່າສູນກາງປະມານ 1 ມ, ກີ່ງງ່າແຜ່ກະຈາຍອອກຄ້າຍຮູບໂດມ, ກີ່ງເປັນສີເຫຼືອງປົນສີນ້ຳຕານ. ເປືອກສີນ້ຳຕານປົນສີສົ້ມ, ເມື່ອແກ່ຈະເປັນສີເທົາປົນສີນ້າຕານ, ເປີອກແຕກບໍ່ສະໜໍ່າສະເໜີ. ໃບເກີດເປັນຈຸ້ມສາມຍ່ອຍ, ມີຄວາມຍາວ 10-22 ຊມ, ເປັນຮູບຮຽວແຄບ, ມີເກີດຕິດຢູ່ຖານມີຄວາມຍາວ 1-2 ມມ. ດອກເພດຜູ້ຮູບໄຂ່, ເມື່ອແກ່ເຕັມທີ່ຈະເປັນຮູບກະສ້ວຍ, ເປັນສີສົ້ມອ່ອນປົນສີເຫຼື້ອງ, ເກີດເປັນຈຸ້ມກັນຢູ່ທີ່ປາຍກີ່ງງ່າ. ດອກເປັນຜູ້ 1-2 ໂຄນ, ມີກ້ານສັ້ນໆ, ສີຂຽວເຫຼື້ອມ ເມື່່ອແກ່ຈະເປັນສີເທົາປົນສີນ້ຳຕານ, ໂຄນເປັນຮູບໄຂ່ ຍາວ 3-7 ຊມ, ກວ້າງ 2-4 ຊມ, ຕີດຢູ່ກີ່ງງ່າໄດ້ 1 ປີ, ເກັດເປັນຮູບຂອບຂະໜານ, ຍາວ 2-4 ຊມ, ປາຍເປັນຮູບປີດລາມິດ, ແຜ່ອອກເປັນຮູບຄັ່ນຮົ່ມ, ປາຍເປັນຕີດສັ້ນ. ເມັດມີປີກ, ສີດຳປົນສີນ້ຳຕານ ຍາວ 5-7 ມມ. ອອກດອກໃນຊ່ວງເດືອນ ເມສາ-ພືດສະພາ, ເມັດແກ່ເດືອນ ກັນຍາ-ທັນວາ.(Averyanov et al. 2014)
ເນື້ອໄມ້ແປກສາມຍ່ອຍເປັນໄມ້ເນື້ອອ່ອນມີການນຳໃຊ້ທົ່ວໄປ, ມີການໃຊ້ເຮັດເຄື່ອງມື, ສ້າງທີ່ຢູ່ອາໃສ, ເຮັດເຄື່ອງເຮືອນ, ຕູ້, ແຜ່ນເຈ້ຍ, ໄມ້ອັດ, ກະດານ, ປະຕູ ແລະ ປ່ອງຢ້ຽມ, ເນື້ອໄມ້ທີ່ມີອາຍຸຫຼາຍປີ ແລະ ມີການເຕີບໂຕຊ້າຈະເຮັດໃຫ້ມີເນື້ອໄມ້ເປັນສີແດງ ສ່ວນຫຼາຍແມ່ນຖືກຕັດໄປຂາຍຕາມທ້ອງຕະຫຼາດເພື່ອນຳໄປເຮັດເຊື້ອໄຟ. ນອກນັ້ນຍັງນຳໃຊ້ເຄືອງເຟີນິເຈີ, ເສົາໄຟຟ້າຊົ່ວຄາວ, ບາງຄັ້ງກໍ່່ມີການເກັບກູ້ຢາງແຕ່ໄດ້ຈຳນວນໜ້ອຍເພື່ອນຳໃຊ້ເຮັດເຊື້ອໄຟ, ຍັງບໍ່ທັນມີການປູກເພື່ອເປັນອຸດສາຫະກຳຂະໜາດໃຫຍ່.