ຫວາຍກະທີງ / Bull Rattan
APA 6th ed. ຫວາຍກະທີງ / Bull Rattan. (2021, September 7). Retrieved from https://www.phakhaolao.la/kb/0000148
MLA 8th ed. ຫວາຍກະທີງ / Bull Rattan. Pha Khao Lao, 7 September 2021, https://www.phakhaolao.la/kb/0000148.
Chicago 17th ed. Pha Khao Lao. 2021. "ຫວາຍກະທີງ / Bull Rattan." Published September 7, 2021. https://www.phakhaolao.la/kb/0000148.
ລັກສະນະ: ລຳຕົ້ນເກີດເປັນສຸມ, ເປັນເຄືອ, ເສັ້ນລຳຍາວເຖິງ 7 ມ, ເສັ້ນຜ່າສູນກາງ 1 ຊມ; ກາບໃບສີຂຽວ, ມີໜາມສີນ້ຳຕານ, ຮູບຄ້າຍຄືເຂັມ, ຍາວ 0.7 ຊມ, ປົກຫຸ້ມກະແຈກກະຈາຍ; ມີຫູໃບ; ມີເຂົ່າໃບ; ມືເກາະຢູ່ກາບໃບ ຍາວ 1.8 ມ; ກ້ານໃບຍາວ 10 ຊມ; ກ້ານກາງໃບ ຍາວ 0.6 ມ, ໃບຍ່ອຍຮູບຮີ, ແຕ່ລະຂ້າງມີ 5-7 ໃບ, ໃບຍ່ອຍຮຽງເປັນຈຸ້ມຫ່າງກັນ, ໃບຍ່ອຍຢູ່ປາຍໃບມີລັກສະນະຄ້າຍໃບວີ, ຄູ່ໃບຍ່ອຍທີ່ຢູ່ປາຍໃບເຊື່ອມຕິດກັນຢູ່ກົກໃບ; ບໍ່ມີມືເກາະຢູ່ປາຍໃບ; ຊໍ່ດອກຍາວ 2.2 ມ, ມີມືເກາະ, ພາກສ່ວນທຳອິດຂອງຊໍ່ດອກບໍ່ເປັນງ່າ ຫຼື ເປັນງ່າສ່ວນໜ້ອຍ; ກາບຊ້ອນຊໍ່ດອກເປັນຫຼອດ; ໝາກກົມ, ເສັ້ນຜ່າສູນກາງ 0.7 ຊມ, ສີເຫຼືອງ. ການກະຈາຍພັນ ແລະ ຖີ່ນກຳເນີດ: ພາກກາງຂອງລາວ (ບ້ານ ຫາດໄຄ້, ເມືອງທ່າພະບາດ, ບໍລິຄຳໄຊ) ພົບຢູ່ໄທ. ຢູ່ປ່າດົງດິບເຂດຕ່ຳ, ຢູ່ປ່າແຄມນ້ຳ ຫຼື ປ່າໄມ້ປ່ອງ (ປ່າໄຜ່) ທີ່ມີລະດັບຄວາມສູງຈາກໜ້ານ້ຳທະເລຕໍ່າ. (ຈັນສະໝອນ ພົງອຸດົມ ແລະ ຄະນະ, 2014)
ເສັ້ນລຳໃຊ້ເຮັດເຄື່ອງຫັດຖະກຳ, ໝໍ່ ຫຼື ຍອດອ່ອນສາມາດກິນໄດ້. ໝາກສຸກເປັນອາຫານຂອງສັດປ່າ.