ເອື້ອງສີຕານ / Different Fruit Dendrobium

ລຳຕົ້ນເປັນຮູບກະສ້ວຍ ຫຼື ຮຽວຍາວ, ຕັ້ງຊື່ ຫຼື ຫ້ອຍລົງ, ມີປ້ອງຈຳນວນຫຼາຍ, ສີເຫຼືອງປັນສີຂຽວ, ໂຄນຂອງລຳຕົ້ນມັກມີກາບຫຸ້ມ. ໃບຮູບຂອບຂະໜານ ຫຼື ຮູບໃບຫອກ, ປາຍແຫຼມ ຫຼື ຮູບຕັດ, ແຜ່ນໃບໜາ, ເມື່ອເປັນດອກໃບຈະຫຼົ່ນໝົດ. ດອກເກີດເປັນຊໍ່ຕາມຂໍ້ ບໍລິເວນໃກ້ປາຍລຳຕົ້ນ, ເກີດດອກໃນຊ່ວງລະດູໜາ. ກ້ານຊໍ່ດອກສັ້ນ, ມີດອກຈຳນວໜ້ອຍຕໍ່ຊໍ່, ບານທົນຫຼາຍວັນ, ດອກມີກີ່ນຫອມອ່ອນໆ. ເມື່ອລຳຕົ້ນແກ່ໄດ້ 2-3 ມັກມີຕົ້ນນ້ອຍເກີດຕາມປ້ອງ.

ດອກເຜິ້ງຊະນິດນີ້ພົບໃນເຂດປະເທດຈີນ, ອະຊຳ, ພູຫິມະໄລ, ເນປານ, ພູຖານ, ສີລັງກາ, ມຽນມາ, ໄທ, ລາວ, ຫວຽດນາມ, ບູໄນ, ຈາວາ, ຊຸມາດຕາ, ຊູລາເວຊີ ແລະ ຟິລິບປີນ. ໃນທຳມະຊາດພົບຢູ່ຕາມປ່າດົງດິບເຂດຕໍ່າ ແລະ ປ່າພູເຂົາ, ເປັນເປັນສຸ່ມຂະໜາດນ້ອຍ, ມັກອາກາດອົບອຸ່ນ, ພົບແຕ່ 500-2000 ມ.