ເອື້ອງມັດສາ / Farmer's Dendrobium

ລຳຕົ້ນຮູບກະສ້ວຍ, ມີ 4 ລ່ຽມ, ມີໃບ 2-4 ໃບຕໍ່ຕົ້ນ. ໃບຮູບໄຂ່ ຫຼື ຮູບຫອກ, ປາຍແຫຼມ ຫຼື ຮຽວແຫຼມ, ຂອບໃບລຽບ, ແຜ່ນໃບໜາ, ດອກເກີດເປັນຊໍ່ດອກທີ່ເກີດຈາກຂໍ້ຂອງລຳຕົ້ນ, ດອກເປັນສີບົວປົນສີຂຽວ, ມີຈຸດສີເຫຼືອງຢູ່ໃຈກາງດອກ, ດອກມີກີ່ນຫອມອ່ອນໆ. ມີດອກຈຳນວນຫຼາຍຕໍ່ຊໍ່, ຊໍ່ດອກຍາວ 20 ຊມ, ດອກມັກເກີດໃນຊ່ວງລະດູຝົນ.

ດອກເຜິ້ງຊະນິດນີ້ພົບໃນປະເທດເນປານ, ມຽນມາ, ໄທ, ລາວ ແລະ ມາເລເຊຍ. ໃນທຳມະຊາດ ດອກເຜິ້ງຊະນິດນີ້ຈັບຫ້ອຍຢູ່ຕາມກີ່ງງ່າໄມ້ ແລະ ລຳຕົ້ນ, ມັກອາກາດອົບອຸ່ນ, ພົບໃນປ່າດົງດິບເຂດຕໍ່າ ແລະ ພູເຂົາສູງ ແຕ່ລະດັບຄວາມສູງຈາກໜ້ານ້ຳທະເລແຕ່ 200 ຫາ 1000 ມ.