ເອື້ອງຄຳ / Golden Bow Dendrobium

ເປັນພືດອິງອາໄສຕົ້ນໄມ້ອື່ນ, ຂະຫຍາຍຕົວທາງດ້ານຂ້າງ. ລຳຕົ້ນເປັນທ່ອນກົມ, ຮູບຮີ, ເປັນຮ່ອງ, ສີເຫຼືອງ. ໃບຈັບ ສະຫຼັບຈຸ້ມກັນທີ່ປາຍລຳຕົ້ນ, ແຜ່ນໃບຮູບຂອບຂະໜານ, ຂະໜາດ 10-15 x 1-2 ຊມ, ປາຍແຫຼມ, ຜິວໃບກ້ຽງ, ສີຂຽວ ທັ້ງສອງດ້ານ. ຊໍ່ດອກອອກທີ່ປາຍຍອດຕາມຊອກໃບ, ມີດອກ 7-16 ດອກຕໍ່ຊໍ່. ດອກສີເຫຼືອງໂດນເດັ່ນ. ກາບດອກຮູບ ໄຂ່, ປາຍມົນ. ກາບຂ້າງຈອດກັນຢູ່ໂຄນເລັກນ້ອຍ, ກິບດອກຮູບໄຂ່ກັບ, ປາຍມົນ. ກິບປາກເປັນແຜ່ນມົນ, ປາຍວ້ຳ ຢູ່ກາງ, ມີແສກໆລະອຽດຢູ່ຕາມແຄມ ແລະ ມີຂົນນຸ່ມສີເຫຼືອງທົ່ວໆ. ເສົ້າເກສອນສັ້ນໆ. ກ້ານດອກ, ອວບໜາ, ດອກ ບານສຸດກວ້າງປະມານ 4 ຊມ,  ດອກບານທົນຫຼາຍອາທິດ ແລະ ມີກີ່ນຫອມນວຍຄ້າຍນ້ຳເຜິ້ງ.(ບົວໄຂຄອນ ສະແຫວງສຶກສາ ແລະ ວີຈິດ ລຳໄຊ, 2005)