ຫວາຍທູນ / Thoun Rattan
APA 6th ed. ຫວາຍທູນ / Thoun Rattan. (2021, August 30). Retrieved from https://www.phakhaolao.la/kb/0000024
MLA 8th ed. ຫວາຍທູນ / Thoun Rattan. Pha Khao Lao, 30 August 2021, https://www.phakhaolao.la/kb/0000024.
Chicago 17th ed. Pha Khao Lao. 2021. "ຫວາຍທູນ / Thoun Rattan." Published August 30, 2021. https://www.phakhaolao.la/kb/0000024.
ວຽດນາມ: ຊອງບອດ [song bột ]
ຫວາຍທູນເປັນຫວາຍທີ່ເກີດດ່ຽວ, ໝັ້ນ ແລະ ໜຽວ. ກາບໃບສ່ວນຫຼາຍຈະມີໝ້າຕ້າງໃຫຍ່ກວ່າ 5 ຊມ, ມີໜາມໜ້ອຍ. ເສັ້ນຫວາຍຈະຍາວເຖິງ 150 ມ ແລະ ມີຂະໜາດໜ້າຕ້າງ 3-5 ຊມ. ໃບຍາວ 2-4 ມ ໃບຍ່ອຍຈັບລຽງກັນຢ່າງສະໝໍ່າສະເໝີ ມີໜາມຕາມໜ້າໃບ ແລະ ກ້ານໃບຍາວ 20-26 ຊມ. ຊໍ່ດອກລວມທັງມືເກາະ ມີຄວາມຍາວແຕ່ 2-6 ມ. ໝາກຂອງຫວາຍທູນຍາວ ປະມານ 2 ຊມ ແລະ ກວ້າງ 1.4 ຊມ, ມີເກັດ ສີເຫຼືອງມ້ານໆ ແລະ ມີຂອບບາງສີເຂັ້ມ. ແກ່ນບໍ່ເປັນຮ່ອງວໍ້າເຂົ້າ. ຫວາຍຊະນິດນີ້ ເກີດຢູ່ໃນປ່າດົງດິບທຸກໆບ່ອນຂອງປະເທດລາວ ແລະ ກໍ່ພົບເຫັນເຊັ່ນກັນ ຢູ່ປະເທດໄທ ແລະ ພາກໃຕ້ວຽດນາມ. ການຂຸດຄົ້ນເຊີງການຄ້າເອົາເສັ້ນທີ່ມີຄຸນນະພາບສູງນັ້ນ ໄດ້ເຮັດໃຫ້ມັນຫາຍາກຂື້ນ ໃນປ່າທໍາມະຊາດ ຈົນໄດ້ຖືກຂື້ນບັນຊີແດງຂອງຊະນິດພືດທີ່ຖືກຂົມຂູ່ ໃນປີ 1997. ຕາມຕະຫຼາດທ້ອງຖີ່ນ. ຍອດຫວາຍທູນຈະຂາຍກັນໃນລາຄາ 35,000 ກິບ/ຍອດ.
ປະຊາຊົນໃນທ້ອງຖິ່ນຕ່າງໆ ໄດ້ນໍາໃຊ້ເສັ້ນຫວາຍເຮັດເປັນເຄື່ອງຫັດຖະກຳ ເຊັ່ນ: ກະຕ່າ, ສາດ, ດ້າມມີດ, ເຄື່ອງມືລ່າສັດ ແລະ ເຄື່ອງມີຫາປາ. ຢູ່ໃນໂຮງງານ ເສັ້ນຫວາຍໄດ້ຖືກນໍາໄປຜະລິດເຮັດ ໂຄງຕັ່ງ, ຊຸດຊາລົງ, ຕູ້ ແລະ ສານເປັນແຜ່ນຮອງນັ່ງ ສໍາລັບເຟີນີ້ເຈີ,ຍອດຫວາຍທຸນຖືກນຳໃຊ້ເປັນອາຫານທີ່ນິຍົມໃນລາວ.