ກໍ່ເດືອຍ / Chestnut

ເປັນພືດທີ່ຕ້ອງການແສງສະຫວ່າງ, ໃບຂຽວຕະຫຼອດປີ; ມີເຮືອນຍອດດົກໜາ; ຄວາມສູງຂອງຕົ້ນໄມ້ລະຫວ່າງ 20-25 ມ; ໜ້າຕ້າງພຽງເອິກ ໃຫຍ່ເຖິງ 1 ມ; ເປືອກເປັນຮ່ອງເລິກ ມີສີນ້ຳຕານແກ່; ໃບໜາ, ລຽບ, ມີຂອບໃບເປັນແຂ້ວເລື່ອຍ, ຂະໜາດຂອງແຜ່ນໃບ 10-25  x 5-8 ຊມ ເກີດເປັນຈຸ້ມ ປະມານ 14-20 ຄູ່. ໃບອ່ອນມີຂົນ ແລະ ມີສີແດງແກມມ່ວງ. ຊໍ່ດອກແມ່ ມີສີຂຽວອ່ອນຫາ ສີເຫຼືອງຈືດ, ມີຄວາມຍາວ 40 ຊມ. ຊໍ່ດອກຜູ້ມີສີຂຽວອ່ອນ. ພົ້ວໝາກດົກໜາ ຍາວ 15-30 ຊມ, ໝາກຂ້ອນຂ້າງມົນ  ຂະໜາດ ປະມານ 0.6-1.3 x 1.5- 1.8 ຊມ ຕັ້ງຂຶ້ນຊື່ ຫຼື ໂຄ້ງລົງເປັນພົ້ວ ແລະ ມີກາບຫຸ້ມເປັນໜາມທີ່ຍາວ 1.5 ຊມ, ເມື່ອແກ່ ຈະແຕກແຫຼ່ງເປັນ 4 ປ່ຽງ. ແຕ່ລະໝາກມີ 1 ແກ່ນ ຂະໜາດເສັ້ນຜ່າສູນກາງ 0.5 ຊມ ສີຕັບໝູແກມເຫຼືອງ ແລະ ມີຂົນຫຼາຍ.