ສີສຽດ / Burma Mahogany

ຕົ້ນສີສຽດ ເປັນຕົ້ນໄມ້ສູງ 5-15 ມ, ໜ້າຕ້າງ 20-50 ຊມ, ສ່ວນໃຫຍ່ມັກເປັນພຶງ. ເປືອກເປັນສີໝົ່ນ ໜາປະມານ 2 ຊມ, ເປືອກຊັ້ນໃນ ເປັນສີແດງຊ້ຳ ມີຢາງໜຽວສີແດງ. ກິ່ງງ່າ ແລະ ສ່ວນອື່ນໆທີ່ຍັງອ່ອນ ເປັນສີນ້ຳຕານປົນແດງ ແລະ ມີຂົນ. ໃບຮູບໄຂ່, ອ່ອນນຸ້ມ, ມີຂະໜາດ 8 -15 x 4-8 ຊມ, ກ້ອງໃບສີຂຽວອ່ອນ, ຂອບໃບເປັນຄື້ນ, ກ້ານ ແລະ ກ່າງໃບ ມີຂົນ. ຊໍ່ດອກ ມີຂະໜາດ ຄວາມຍາວ 5-10 ຊມ, ສີຂາວ, ມີຂົນ, ດອກເປັນຮູບລະຄັງ, ແຕ່ລະດອກມີຂະໜາດ 5 ມມ. ໝາກເປັນແຄັບຊູນ ມີ 5 ປີກ, ຂະໜາດຂອງໝາກ ຍາວ 4-5 ຊມ ແລະ ກວ້າງ 5-5.5 ຊມ, ແກ່ນມີຂະໜາດ 1-1.5 ຊມ ແລະ ມີຂົນ.