ປາດຸກອຸຍ / Gunther’s walking catfish

ປາດຸກອຸຍເປັນປາທີ່ບໍ່ມີເກັດ, ສ່ວນຫົວຄ່ອນຂ້າງແປ, ສ່ວນປາຍມີກະດູກໂຄ້ງມົນ, ກະໂຫລກຫົວຈະມື່ນ, ມີຮອຍບຸມຂື້ນເຄີ່ງກາງເລັກນ້ອຍ, ມີໜວດ 4 ຄູ່, ຖານໜວດນ້ອຍ, ປາກມົນກົມ. ລຳຕົວຮຽວຍາວ, ຍາວ 15-30 ຊມ, ສີຂອງລຳຕົວຄ່ອນຂ້າງເຫຼືອງ, ມີຈຸດກະຈາຍດ້ານຂ້າງຂອງລຳຕົວປະມານ 9-12 ແຖບ, ແຕ່ເມື່ອໃຫຍ່ເຕັມໄວຈະບໍ່ມີ. ດ້ານທ້ອງຜິວຈະເປັນສີເຫຼືອງປົນສີຂາວ, ສະເພາະບໍລິເວນຄີທ້ອງ, ຄີເອິກມີງ່ຽງທີ່ແຫຼມ, ຍື່ນຍາວອອກມາ ຫຼື ເທົ່າກັບຄີອ່ອນ, ຄີຫຼັງມີກ້ານຄີອ່ອນ 47-52 ອັນ, ຄີຫາງກົມ, ມີສີເທົາເຂັ້ມ. ຈຳນວນກະດູຟັນຟືມມີປະມານ 32 ອັນ, ສີເຫຼືອງ.