ການປູກຜັກສະຫຼັດ
ການປູກ
ຜັກສະຫຼັດປູກໄດ້ທັງວິທີຫວ່ານຢາຍສະເໝີທົ່ວໜານ (ພັນໃບ). ຖ້າຫາກປູກແບບແຖວດຽວ ແລະ ແຖວຄູ່ (ໃຊ້ໄດ້ທຸກພັນ). ໄລຍະປູກລະຫວ່າງຕົ້ນ ແລະ ລະຫວ່າງແຖວທີ່ເໝາະສົມຄື: 25x30 ຊມ (ສໍາຫຼັບພັນໃບ) ແລະ 40x40 ຊມ (ສໍາຫຼັບພັນຫໍ່ຫົວ).
ການບົວລະບັດຮັກສາ
- ຫຼັງຈາກຫວ່ານພັນແລ້ວຄວນຫົດນໍ້າ 1-2 ເທື່ອຕໍ່ມື້ (ຕອນເຊົ້າ ແລະ ຕອນແລງ) ໃນໄລຍະ 1-2 ອາທິດ.
- ຖ້າຜັກຂະຫຍາຍຕົວຊ້າຄວນໃສ່ຝຸ່ນຄອກຕື່ມ.
- ສີດຢາສະໝຸນໄພປ້ອງກັນພະຍາດ ແລະ ແມງໄມ້.
ການເກັບກ່ຽວມີ 2 ວິທີ:
- ວິທີການຫຼົກ: ເມື່ອຜັກໃຫຍ່ສາມາດນໍາໄປຮັບປະທານໄດ້ແມ່ນຫຼົກອອກໝົດຕົ້ນ.
- ວິທີການຕັດ: ແມ່ນໃຊ້ມີດຕັດລໍາຕົ້ນຂອງຜັກ.
ຄຸນຄ່າທາງໂພສະນາການ:
ຜັກຊະນິດນີ້ແມ່ນມີວິຕາມິນເອສູງ, ວິຕາມິນບີ, ແຄວຊຽມ, ເສັ້ນໄຍອາຫານ, ໂຊດຽມ, ໂພແທດຊຽມ, ຕາໂບໄຮເດຼດ, ໃຫ້ພະລັງງານ ແລະ ອື່ນໆ. ນອກນີ້ຍັງຊ່ວຍຍ່ອຍສະລາຍສານຜິດໃນຮ່າງກາຍ, ຫຼຸດຜ່ອນຄວາມສ່ຽງຕໍ່ການເກີດມະເຮັງ...
ຂໍ້ມູນມາຈາກ: ປື້ມເນື້ອໃນຄູ່ມືເຝິກອົບຮົມການຜະລິດກະສິກໍາຂອງສະຖານການສຶກສາ