ໝາກມ່ວງຫິມມະພານ/ Cashew nut tree
APA 6th ed. ໝາກມ່ວງຫິມມະພານ/ Cashew nut tree. (2019, May 31). Retrieved from https://www.phakhaolao.la/kb/0000521
MLA 8th ed. ໝາກມ່ວງຫິມມະພານ/ Cashew nut tree. Pha Khao Lao, 31 May 2019, https://www.phakhaolao.la/kb/0000521.
Chicago 17th ed. Pha Khao Lao. 2019. "ໝາກມ່ວງຫິມມະພານ/ Cashew nut tree." Published May 31, 2019. https://www.phakhaolao.la/kb/0000521.
Anacardium microcarpum Ducke
Anacardium occidentale var. americanum Jacq.
Anacardium occidentale var. gardneri Engl.
Cassuvium pomiferum Lam.
Cassuvium reniforme Blanco
Cassuvium solitarium Stokes
Eng: Cashew nut tree, Cashew
ເປັນໄມ້ຢືນຕົ້ນ, ຢູ່ໃນກຸ່ມດຽວກັບຕົ້ນມ່ວງ, ມີຂະໜາດສູງເຖິງ 12 ມ, ເປືອກລຽບມີສີນ້ໍາຕານ. ໃບດ່ຽວ ມີລັກສະນະແບບຮູບໄຂ່, ຄວາມຍາວ 4-22 ຊມ ແລະ ກວ້າງ 2-15 ຊມ. ດອກຈະອອກເປັນຊໍ່ກະຈາຍ, ຕອນທໍາອິດດອກຈະເປັນຂຽວອ່ອນມີແຖບສີແດງແລ້ວຈະເລີ່ມປ່ຽນເປັນສີແດງ, ດອກແຍກເພດຮ່ວມຕົ້ນ. ໝາກມີລັກສະນະຄືຮູບໄຂ່ ຫຼື ລູກແພ, ຊື່ງຈະເລີນເຕີບໂຕຈາກຖານດອກຂຶ້ນມາ, ເມື່ອເວລາສຸກຈະມີສີເຫຼືອງ ຫຼື ສົ້ມແດງ, ຍາວ 5-11 ຊມ. ໝາກແທ້ຂອງໝາກມ່ວງຫິມມະພານແມ່ນແກ່ນ ມີລັກສະນະຄືໄຕ ຫຼື ນວມ, ງອກອອກຈາກປາຍໝາກທຽມ, ກ້ານດອກຈະຂະຫຍາຍອອກຈາກໝາກທຽມພາຍໃນຜົນແທ້ນັ້ນເປັນເມັດດຽວ.
ໝາກມ່ວງຫິມມະພານສາມາດຮັບປະທານໄດ້, ໝາກມີລົດສົ້ມ ສາມາດຮັບປະທານໄດ້ທັງດິບ ແລະ ສຸກ, ແຕ່ສ່ວນໃຫຍ່ຈະນິຍົມຮັບປະທານເມັດ. ເມັດຂອງໝາກມ່ວງຫິມມະພານ ນັບວ່າເປັນສ່ວນປະກອບຂອງອາຫານຫຼາຍຊະນິດໃນອາຊີ, ອາດຈະປົ່ນໃຫ້ລະອຽວເປັນເນີຍເມັດໝາກມ່ວງສໍາຫຼັບໄວ້ທາເຂົ້າຈີ່ແບບເນີຍຖົ່ວ. ໝາກມ່ວງຫິມມະພານມີປະໂຫຍດຫຼາຍ, ຊ່ວຍເພີ່ມພະລັງງານໃຫ້ແກ່ຮ່າງກາຍໄດ້ຢ່າງດີ, ເມັດຂອງໝາກມ່ວງຫິມມະພານຊ່ວຍໃນການຮັກສາຮູບຮ່າງໃຫ້ສົມສ່ວນໄດ້ ເພາະມີເສັ້ນໃຍສູງຊ່ວຍໃນການຍ່ອຍໄດ້ຢ່າງດີ, ຢາງຈາກຕົ້ນໃຊ້ທາເຮືອນເພື່ອປ້ອງກັນປວກ ແລະ ອື່ນໆ. ນອກນີ້ຍັງໝາກມ່ວງຫິມມະພານຍັງມີສັບພະຄຸນເປັນຢາເຊັ່ນ: ຮາກມີສັບພະຄູນເປັນຢາແກ້ຖອກທ້ອງ ແລະ ເປັນຢາສະມານ, ແກ່ນມີສັບພະຄຸນຊ່ວຍຫຼຸດຄວາມສ່ຽງການເກິດພະຍາດຫົວໃຈ ແລະ ຫຼອດເລືອດ, ຢາງຈາກຕົ້ນຊ່ວຍແກ້ອາການເລືອດອອກຕາມແຂ້ວ...