APA 6th ed. ຂີງ / Ginger. (2021, July 22). Retrieved from https://www.phakhaolao.la/kb/0000312
MLA 8th ed. ຂີງ / Ginger. Pha Khao Lao, 22 July 2021, https://www.phakhaolao.la/kb/0000312.
Chicago 17th ed. Pha Khao Lao. 2021. "ຂີງ / Ginger." Published July 22, 2021. https://www.phakhaolao.la/kb/0000312.
ການເກັບກູ້ຂິງ
ການເກັບກູ້ຫົວຂິງສາມາດແບ່ງອອກເປັນ 2 ໄລຍະຄື:
1. ການເກັບກູ້ຫົວອ່ອນ: ຄວນເລີ່ມເກັບກູ້ເມື່ອຂິງອາຍຸໄດ້ 4-6 ເດືອນ, ເຊິ່ງໃນໄລຍະນີ້ແງ່ງຂິງຈະມີສ້ຽນນ້ອຍ, ເນື້ອອ່ອນ, ເໝາະສົມສໍາລັບຮັບປະທານສົດ ຫຼື ດອງ ແລະ ສາມາດແປຮູບແບບອື່ນໆ. ການເກັບກູ້ນິຍົມຖອນດ້ວຍມື ໂດຍເກັບກູ້ຫຼັງຝົນຢຸດຕົກແລ້ວ ຫຼື ຖ້າຝົນບໍ່ຕົກໃຫ້ຫົດນ້ໍາເພື່ອໃຫ້ງ່າຍຕໍ່ການເກັບກູ້. ການຖອນຫົວຂິງຄວນຖອນອອກທັ້ງຕົ້ນ ພ້ອມຂະເຍົ່າດິນອອກໃຫ້ໝົດຈາກແງ່ງຂິງ, ບໍ່ຄວນໃຊ້ເຄື່ອງມືໃດໆຂຸດ ເພາະຈະເຮັດໃຫ້ເກິດບາດແຜ ແລະ ເຮັດໃຫ້ລາຄາຕົກຕໍ່າ.
2. ການເກັບກູ້ຫົວແກ່: ເລີ່ມເກັບກູ້ໄດ້ເມື່ອຂິງອາຍຸຕັ້ງແຕ່ 10 ເດືອນຂຶ້ນໄປ, ສັງເກດໄດ້ຈາກໃບ ແລະ ລໍາຕົ້ນເລີ່ມຫ່ຽວ, ໂດຍປົກກະຕິແລ້ວໃບຈະຫ່ຽວເມື່ອຂິງມີອາຍຸຢ່າງເຂົ້າເດືອນທີ່ 8 ໂດຍທົ່ວໄປຈະມີການເກັບກູ້. ຂິງຈະແກ່ດີເມື່ອເດືອນມັງກອນ ເຊິ່ງຊ່ວງໄລຍະເວລາດັ່ງກ່າວດິນຄ່ອນຂ້າງທີ່ຈະແຫ້ງ ແລະ ແຂງ ຈື່ງບໍ່ສະດວກຕໍ່ການເກັບກູ້, ຕ້ອງໄດ້ໃຊ້ອຸປະກອນຂຸດເຊັ່ນ: ຈອບ, ສຽມ ຈື່ງຕ້ອງຫົດນໍ້າທົ່ວໜານເພື່ອໃຫ້ດິນອ່ອນຕົວ, ຂຸດງ່າຍ ແລ້ວຈື່ງໃຊ້ມືດຶງຂຶ້ນມາ ແລ້ວຂະເຍົ່າດິນອອກຖີ້ມ, ຈາກນັ້ນນໍ້າໄປລ້າງ, ຕັດຮາກ ແລະ ໃບຫ່ຽວອອກ.