ນໍ້າໝາກເຂົ້າ
ໝາກເຂົ້າໝາກໄມ້ໂພຊະນາການ ນຳມາປະກອບອາຫານໄດ້ຫຼາຍຢ່າງ
ເຮືອນຄົວລາວ
phakhaolao.la
ຄຸນປະໂຫຍດທາງໂພສະນາການ ແລະ ຢາປົວພະຍາດຂອງໝາກເຂົ້າ
- ໝາກເຂົ້າມີວິຕາມິນຊີສູງ 40 ເທົ່າ ຂອງໝາກກ້ຽງ
- ມີເບຕາແຄໂລທີນ 10 ເທົ່າຂອງໝາກກາລົດ
- ມີສານໄລໂຄປີນ 12 ເທົ່າຂອງໝາກເລັ່ນ
- ບຳລຸງສາຍຕາ
- ປ້ອງກັນໂລກມືນຊາ
- ບຳລຸງເຊວຂອງຜິວໜັງ ຕ້ານອະນຸມູນອິດສະຫຼະ ຊະລໍຄວາມແກ່
- ລົດຄວາມສ່ຽງ ຂອງການເກີດໂລກຫຼອດເລືອດຫົວໃຈ
- ຊ່ວຍຕ້ານມະເລັງ ເຊັ່ນ: ມະເລັງຕ່ອມລູກໝາກ, ມະເຮັງປອດ, ມະເຮັງຕັບ, ມະເລັງກະເພາະອາຫານ
່
ນໍ້າໝາກເຂົ້າຄືໜຶ່ງໃນເມນູຍອດນິຍົມ ສຳລັບຄົນຮັກສຸຂະພາບ ເພາະມີຂັ້ນຕອນການເຮັດທີ່ບໍຫຍຸ້ງຍາກ ແລະ ດື່ມງ່າຍ
ສ່ວນປະສົມ
- ນ້ຳຕານ 4-5ບ່ວງຊາ ຫຼື ນ້ຳເຜິ້ງ 4-5 ບ່ວງຊາ
- ເກືອ ½ບ່ວງຊາ
- ນ້ຳ 4-5 ຈອກ
- ໝາກນາວ 1 ໜ່ວຍ
- ໝາກເຂົ້າ 1 ໜ່ວຍ
ວິທີເຮັດນ້ຳໝາກເຂົ້າ
1. ປາດໝາກເຂົ້າ
2. ໃຊ້ບ່ວງແກະເອົາແກ່ນອອກ ແລ້ວນຳແກ່ນມາຄັ້ນ ເພື່ອຕອງເອົານ້ຳ (ເຕີມນ້ຳໃສ່ ຂະນະຄັ້ນ)
3. ນຳບ່ວງມາແກະເອົາເນື້ອໝາກເຂົ້າ
4. ໃສ່ເນື້ອ ແລະ ນ້ຳທີ່ໄດ້ຈາກການຄັ້ນແກ່ນ ໃສ່ລົງໃນເຄື່ອງປັ່ນ (ສາມາດເຕີມນ້ຳໃສ່ ຂະນະປັ່ນຖ້າເນື້ອຂຸ້ນເກີນໄປ) ໃຊ້ເວລາປັ່ນຢູ່ປະມານ 2-3 ນາທີ ຫຼື ຈົນກວ່າເນື້ອໝາກເຂົ້າຈະມຸ່ນລະອຽດ
5. ຫຼັງຈາກປັ່ນຈົນເນື້ອນຽນລະອຽດແລ້ວ ໃຫ້ນຳມາຕົ້ມ ປະມານ 10-15 ນາທີ ຫຼື ຈົນກວ່ານ້ຳຈະຟົດເດືອດ
6. ໃສ່ເກືອ ແລະ ນ້ຳຕານລົງໄປ ຄົນໃຫ້ເຂົ້າກັນ
7. ປະໄວ້ໃຫ້ເຢັນແລ້ວນຳມາຕອງ ຖ້າຕ້ອງການ