ປາສາກ / Pa Sak
APA 6th ed. ປາສາກ / Pa Sak. (2020, October 19). Retrieved from https://www.phakhaolao.la/kb/0000620
MLA 8th ed. ປາສາກ / Pa Sak. Pha Khao Lao, 19 October 2020, https://www.phakhaolao.la/kb/0000620.
Chicago 17th ed. Pha Khao Lao. 2020. "ປາສາກ / Pa Sak." Published October 19, 2020. https://www.phakhaolao.la/kb/0000620.
D: 8; A: 6; P1: 14; P2: 10. ລໍາໂຕຮຽວ ແລະ ຍາວ (elongate), ຮ່າງກາຍຂ້ອນຂ້າງມົນກົມ (ຕັດຕາມລວງຂວາງ), ມີຂະຫນາດໃຫຍ່, ມີຄວາມເລິກຂອງລຳຕົວ 15 % ຂອງຄວາມຍາວມາດຖານ (SL), ຄວາມຍາວຂອງຫົວ 28 % ຂອງ SL; ຫົວ: ສັນດັງຍາວ ແລະ ແຫຼມ, ປາຍປາກເທິງ ແລະ ລຸ່ມພຽງກັນ, ຄວາມຍາວຂອງເສັ້ນຜ່າສູນກາງຕາ 18.55 % ຂອງຄວາມຍາວຫົວ (HL); ຄາງກະໄຕກ້ວາງແຜ່ລາມໄປຈົນເຖິງຂອບດ້ານໜ້າຂອງຕາ; ລໍາໂຕ: ຖານຂອງຄີຫຼັງລື່ນ ຖານຄີທ້ອງໄປທາງດ້ານຫຼັງໜ້ອຍໜຶ່ງ ແລະ ຕັ້ງຢູ່ປະມານເຄິ່ງກາງຂອງຮ່າງກາຍ, ຄີກົ້ນປະກອບມີເສັ້ນກ້ານຄີອ່ອນ 5 ເສັ້ນ, ຂອບຂອງຄີກົ້ນ ແລະ ຄີຫຼັງໂຄ້ງວ້ຳເຂົ້າ (concave), ຂອບຂອງຄີທ້ອງມົນ, ຄີເອິກຢູ່ປະມານເຄຶ່ງກາງລະຫວ່າງຄີທ້ອງ ແລະ ແຄມຂອງສົບ; ເກັດຂະຫນາດນ້ອຍ, 88 ເກັດເສັ້ນຂ້າງໂຕ, 44 ເກັດກ່ອນຄີຫຼັງ ແລະ 24 ເກັດອ້ອມກົກຫາງ, ຄີຫຼັງ 8 ເສັ້ນກ້ານຄີອ່ອນ, ຄີກົ້ນມີ 6 ເສັ້ນກ້ານຄີອ່ອນ, ຄີເອິກ 14 ເສັ້ນກ້ານຄີອ່ອນ, ຄີທ້ອງ 10 ເສັ້ນກ້ານຄີອ່ອນ; ຫາງ: ເປັນງ່າມ ວ້ຳຢູ່ສ່ວນກາງເປັນ 2 ຊີກ; ສີຂອງລຳໂຕ: ເຄິ່ງດ້ານລຸ່ມສີຟ້າອອກເທົາ ແລະ ເຄິ່ງດ້ານເທິງຂອງຮ່າງກາຍດໍາແກມສີຂີ້ເທົ່າ ຍ້ອນວ່າມີແຖບເສັ້ນສີດໍາຢຽດຍາວຕາມຮ່າງກາຍ; ມີ 5-8 ແຖບເສັ້ນສີດໍາແຄບໃນໂຕເຕັມໄວ.
ການແຜ່ກະຈາຍ: ແມ່ນໍ້າຂອງໃນສປປ ລາວ ແລະ ປະເທດຈີນ (ຢຸນນານ)
ພົບໄດ້ຍາກ, ສ່ວນຫຼາຍແມ່ນຖຶກເບັດ ແລະ ມອງ. ໂຕເຕັມໄວຈະມີຂະໜາດໃຫຍ່. ສາມາດເຮັດໄດ້ຫຼາຍລາຍການ.
ປາຊະນິດນີ້ພົບໜ້ອຍ ແລະ ຫາຍາກ ພວກມັນຈະອາໄສຢູ່ບ່ອນນ້ຳໄຫຼ ໂດຍສະເພາະແມ່ນສາຂາຂອງແມ່ນ້ຳຂອງໃນພາກເໜືອ ຂອງລາວ, ພວກມັນຈະເຄື່ອນຍ້າຍໄປມາເພື່ອຫາອາຫານ ແລະ ວາງໄຂ່. ແຕ່ໃນປະຈຸບັນແມ່ນ້ຳຫຼາຍສາຍໄດ້ສ້າງເຂື່ອນ ຕັນທາງປາ ເຮັດໃຫ້ພວກມັນອົບພະຍົບຕາມລະດູການຍາກ ແລະ ເຮັດໃຫ້ປະຊາກອນພວກມັນຫຼຸດລົງ.