APA 6th ed. ຜັກຫວານປ່າ / Melientha. (2020, May 27). Retrieved from https://www.phakhaolao.la/kb/0000019
MLA 8th ed. ຜັກຫວານປ່າ / Melientha. Pha Khao Lao, 27 May 2020, https://www.phakhaolao.la/kb/0000019.
Chicago 17th ed. Pha Khao Lao. 2020. "ຜັກຫວານປ່າ / Melientha." Published May 27, 2020. https://www.phakhaolao.la/kb/0000019.
ສັບພະຄຸນ ແລະ ໂພຊະນາການ
ຜັກຫວານປ່າມີປະໂຫຍດ ແລະ ຮູ້ຈັກກັນມາແຕ່ດົນນານມາແລ້ວ, ທັ້ງເປັນອາຫານ ແລະ ຢາພື້ນເມືອງ ເຊິ່ງປັດຈຸບັນເປັນທີ່ນິຍົມກັນຢ່າງກວ້າງຂວາງ, ຜັກຫວານເປັນຢາພື້ນເມືອງທີ່ສາມາດໃຊ້ສ່ວນຕ່າງມາເປັນຢາ ຫຼື ສ່ວນປະສົມຂອງຢາພື້ນເມືອງຕ່າງເຊັ່ນ: ໃຊ້ຮັກສາບາດແຜ, ປວດຂໍ້, ປວດຫົວ, ປວດທ້ອງ. ໃຊ້ເປັນຢາເຢັນ, ຖອນພິດ, ແກ້ຮ້ອນໃນກະຫາຍນ້ຳ, ແກ້ພິດໄຂ້ນ້ຳບິພິການ.
ຍອດອ່ອນ ແລະ ໃບອ່ອນຂອງຜັກຫວານປ່າ ມີຄຸນປະໂຫຍດທາງໂພຊະນາການ. ໃບ ແລະ ຍອດອ່ອນຂອງຜັກຫວານ 100 ກຣາມໃຫ້ຄຸນຄ່າທາງອາຫານດັ່ງນີ້:
|
||||||||||||||||||||||||||||||||||||||||||||||||
ຜັກຫວານປ່າມີຄຸນຄ່າທາງໂພຊະນາການສູງ, ມີສານອາຫານ, ເກືອແຮ່ ແລະ ວິຕາມິນທີ່ມີປະໂຫຍດຕໍ່ຮ່າງກາຍເຊັ່ນ: ແຄລຊຽມ ແລະ ຟອສຟໍຣັດ, ຊ່ວຍບຳລຸງກະດູກ ແລະ ແຂ້ວໃຫ້ແຂງແຮງ, ປ້ອງກັນກະດູກຜ່ອຍ. ເຊິ່ງສົ່ງຜົນໃຫ້ກ້າມຊີ້ນຍືດຫົດໄດ້ດີ. ຜັກຫວານປ່າສົດໆມີວິຕາມີນສູງ, ຊ່ວຍປ້ອງກັນຈຸລັງໃນຮ່າງກາຍຈາກມົນລະພິດທາງອາກາດ, ຊ່ວຍປ້ອງກັນການເກີດມະເຮັງຈາກແສງແດດ ແລະ ຜິວໜັງຫ່ຽວແຫ້ງກ່ອນໄວ. ຜັກຫວານມີທາດ ເບຕ້າ-ແຄໂຣທີນເຊິ່ງເປັນແອນຕິອອກຊິແດນ, ເມື່ອຖຶກປ່ຽນໄປເປັນວິຕາມິນເອໃນຮ່າງກາຍແລ້ວຈະຊ່ວຍບຳລູງສາຍຕາ, ເຮັດໃຫ້ເບີ່ງເຫັນໄດ້ຊັດເຈນ. ເພີ່ມພູມຄຸ້ມກັນຂອງຮ່າງກາຍ, ວິຕາມິນບີໃນຜັກຫວານປ່າປ້ອງກັນພະຍາດປາກເປື່ອຍ ເຊິ່ງຖ້າຂາດໃນໄວເດັກຈະເຮັດໃຫ້ຢຸດການຈະເລີນເຕິບໂຕ. ນອກຈາກນີ້ຜັກຫວານຍັງມີເສັ້ນໃຍອາຫານສູງຊ່ວຍໃນລະບົບຂັບຖ່າຍໄດ້ດີ ແລະ ເປັນຢາລະບາຍອ່ອນໆ.
ຜັກຫວານປ່າສາມາດນຳມາເຮັດອາຫານໄດ້ຫຼາກຫຼາຍລາຍການເຊັ່ນແກງ, ຜັກລວກ, ຍຳ ແລະ ຂົ້ວ. ແຕ່ບໍ່ຄວນຮັບປະທານສົດເພາະຈະເຮັດໃຫ້ເບື່ອເມົາ ແລະ ເປັນໄຂ້ໄດ້.