ໝາກມ່ວງກວນ
ໝາກມ່ວງກວນ ໜຶ່ງໃນເມນູອາຫານສຳລັບຄົນມັກໝາກມ່ວງ ໄວ້ເຮັດກິນຍາມໝາກມ່ວງຫຼາຍ
ເຮືອນຄົວລາວ
phakhaolao.la
ສ່ວນປະກອບ
- ໝາກມ່ວງສຸກ 20 ໝາກ
- ເກືອ 1 ບ່ວງຊາ
ວິທີປຸງແຕ່ງ
- ປອກເປືອກໝາກມ່ວງອອກ ແລ້ວລ້າງນໍ້າໃຫ້ສະອາດ
- ນຳມາຊອຍ ຫຼື ຕັດເປັນຕ່ອນນ້ອຍໆ ເອົາໄປປັ່ນໃຫ້ລະອຽດ
- ແລ້ວເອົາໄປໃສ່ໝໍ້ ຂົ້ວດ້ວຍໄຟອ່ອນໆ ໃສ່ເກືອໜ້ອຍໜື່ງເພື່ອເພີ່ມລົດຊາດ ຄົນ ຫຼື ກວນໄປເລື້ອຍໆ ປະມານ 4-5 ຊົ່ວໂມງ ຫຼື ຈົນກວ່າເນື້ອໝາກມ່ວງຈະແຂ້ນດີ
- ຫຼັງຈາກສຸກແລ້ວກໍນຳໝໍ້ອອກຈາກເຕົາ ແລະ ນຳມາພັກປະໄວ້ໃຫ້ເຢັນ
- ຫຼັງຈາກທີ່ໝາກມ່ວງເຢັນແລ້ວ ກໍສາມາດຮັບປະທານໄດ້ທັນທີ ຫຼື ຈະເກັບໃສ້ແກ້ວ, ພາຊະນະ ໃສ່ໄວ້ໃນຕູ້ເຢັນ ເພື່ອຮັບປະທານໃນມື້ຕໍ່ໄປ ກໍໄດ້ເຊັ່ນດຽວກັນ
ໝາຍເຫດ:
- ໃນລະຫວ່າງທີ່ກວນ ອາດຈະໃສ່ກະທິໝາກພ້າວເພື່ອເພີ່ມລົດຊາດໃຫ້ມີຄວາມມັນ ແຕ່ຖ້າເພີ່ມໝາກພ້າວຈະເກັບໄວ້ໄດ້ບໍ່ດົນ
ສູດໂດຍ: ນ.ດາລາສະຫວັນ ຜຸຍສິຣິ