ເຄື່ອງເທດສະໝຸນໄພປະກອບອາຫານ 8 ຊະນິດຕ້ານເຊື້ອໄວຣັສ
ຖ້າຫາກຮ່າງກາຍຂອງຄົນເຮົາສາມາດຮຽນຮູ້ເພື່ອປົກປ້ອງຕົນເອງຈາກການຈູ່ໂຈມທຳລາຍຂອງເຊື້ອພະຍາດຕ່າງໆຈາກພາຍນອກ ພືດຜັກອາຫານການກິນກໍເປັນປັດໄຈໜຶ່ງທີ່ສຳຄັນ ຊ່ວຍໃຫ້ຮ່າງກາຍຂອງຄົນເຮົາໄດ້ຈະເລີນເຕີບໂຕ ແລະ ມີຊີວິດຢູ່ໄດ້
ເມື່ອຕົກຢູ່ໃນສະຖານະການອັນຍາກລຳບາກເຊັ່ນ ການແຜ່ລະບາດຂອງເຊື້ອໄວຣັສ ສິ່ງໜຶ່ງທີ່ເຮົາສາມາດເຮັດໄດ້ຄືການກຽມພ້ອມຮຽນຮູ້ ສຶກສາ ແລະ ນຳໃຊ້ໃຫ້ເກີດປະໂຫຍດ ເພາະການຮຽນຮູ້ ແລະ ການນຳມາປັບໃຊ້ຄືກຸນແຈໃນການດຳລົງຊີວິດຂອງມະນຸດເຮົາ
ນັບຕັ້ງແຕ່ມື້ທຳອິດທີ່ໂລກຮັບຮູ້ເຖິງຄວາມຮ້າຍແຮງຂອງການລະບາດທີ່ ອູ່ຮັ່ນ ນັກຄົ້ນຄວ້າຫຼາຍທ່ານຊຶ່ງສ່ວນໃຫ່ຍຢູ່ໃນອາຊີ ໄດ້ຄົ້ນຫາສານຈາກພືດເພື່ອນຳມາຮັບມືກັບເຊື້ອໄວຣັສ ແລະ ຮັກສາຜູ້ຄົນ. ຈົນມາເຖິງ ປະຈຸບັນມີສານຈາກພືດທີ່ຄົ້ນພົບຈາກການສຶກສາແບບຈຳລອງໂມເລກຸນ (molecular docking) ແລ້ວກວ່າ 50 ຊະນິດ ແລະ ສິ່ງທີ່ໜ້າສົນໃຈຄືຈຳນວນມະຫາສານຂອງສານທີ່ມີປະສິດທິພາບໃນການປ້ອງກັນເຊື້ອໃຫ້ເຂົ້າສູ່ເຊວ ແລະ ຍັບຢັ້ງການຂະຫຍາຍ ແລະ ແຜ່ເຊື້ອນັ້ນຢູ່ໃນອົງປະກອບຕ່າງໆຂອງອາຫານທີ່ເຮົາຮັບປະທານເປັນປະຈຳໃນແຕ່ມື້ນີ້ເອງ
ເຊິ່ງພືດພັນຕ່າງໆທີ່ສຳຄັນນັ້ນ ເປັນເຄື່ອງປະກອບໃນການປຸງແຕ່ງອາຫານພື້ນເມືອງລາວ ເຊິ່ງປະກອບດ້ວຍພືດ 8 ຊະນິດທີ່ລ້ວນແລ້ວແຕ່ມີຄຸນນະສົມບັດໃນການເສີມສ້າງພູມຄຸ້ນກັນ ແລະ ຕ້ານໄວຣັສເຊັ່ນ:
- ຂີ້ໝິ້ນ ມີສານ ແລະ ອານຸພັນ ທີ່ມີຄຸນສົມບັດໃນການຍັບຢັ້ງໄວຣັສສາຍພັນໃໝ່ເຂົ້າສູ່ອະໄວຍະວະປອດ ແລະ ຍັບຢັ້ງການແຜ່ຂະຫຍາຍຂອງໄວຣັສ (Yang at al.,2020) ແລະ (Guijarro-Real at al.,2021)
- ຂ່າ ມີສານ galangin ມີຄຸນສົມບັດໃນການຍັບຢັ້ງໄວຣັສສາຍພັນໃໝ່ເຂົ້າສູ່ປອດ ແລະ ຢັບຢັ້ງການແບ່ງໂຕຂອງໄວຣັສໄດ້ (Utomo RY,et al.,2020) ມີສານ 1,8 cineole ຢັບຢັ້ງການແຜ່ຂະຫຍາຍຂອງໄວຣັສ ລວມເຖິງສານ kaempferol, quercetin ທີ່ຕ້ານການອັກເສບ (Sharma, A.D. at al., 2020)
- ໝາກຂີ້ຫູດ ມີສານ hesperedin ມີຄຸຸນສົມບັດໃນກາຍັບຢັ້ງໄວຣັສສາຍພັນໃໝ່ເຂົ້າສູ່ປອດ (Cheng L, et al., 2020) ຍບຢັ້ງການແຜ່ກະຈາຍຂອງໄວຣັສ (Utomo, R.Y. at al., 2020) ແລະ ມີສານ naringenin ທີ່ມີຄຸນສົມບັດເຊັ່ນດຽວກັນ (Khaerunnisa S, et., 2020)
- ຜັກທຽມ ມີສານ quercetin, allicin ຍັບຢັ້ງໄວຣັສເຂົ້າສູ່ເຊວປອດ ມີລິດໃນການຍັບຢັ້ງການແຜ່ກະຈາຍຂອງໄວຣັສ (Rajagopal K, at al., 2020) (Pandey P,at al., 2021) (Khaerunnisa S, et al., 2020)
- ໝາກເຜັດມີສານ quercetin, luteolin-7-glucoside ຍັບຢັ້ງການແຜ່ກະຈາຍຂອງໄວຣັສ (Khaerunnisa S, et al., 2020)
- ຫົວສີໄຄ ມີສານ Citral ຍັບຢັ້ງການແຜ່ກະຈາຍຂອງໄວຮັສ (N. Shaghaghi., 2020) ແລະ ຕ້ານການອັກເສບ (Boukhatem MN at al., 2014)
- ພິກໄທ ມີສານ piperine ມີປະສິດທະພາບຍັບຢັ້ງການຂະຫຍາຍຕົວຂອງໄວຣັສ (Selvaraj Alagu Lakshmi at al., 2020) ແລະ (Tiwari A, et al., 2020)
- ຫົວຫອມບົ່ວ ມີສານ quercetin, luteolin-7-glucoside ທີ່ຊ່ວຍຍັບຢັ້ງການຂະຫຍາຍ ແລະ ແຜ່ໄວຣັສ (Khaerunnisa S, et al.,2020)
ພືດສະໝຸນໄພເຫຼົ່ານີ້ພົບໄດ້ຫຼາຍໃນການຳມາປະກອບອາຫານພື້ນເມືອງລາວເຮົາ ດັ່ງນັ້ນຄິດຈະປຸງແຕ່ງອາຫານຄວນຄິດເຖິງອາຫານລາວພ້ອມເຄື່ອງປະກອບຈາກພືດສະໝຸນດັ່ງທີ່ກ່າວມານັ້ນ
ການສຶກສາຄົ້ນຄວ້າ ແລະ ນຳໃຊ້ກ່ຽວກັບເຄື່ອງເທດສະໝຸນໄພເປັນເລື່ອງສຳຄັນ ເພາະມັນຄືສ່ວນໜຶ່ງທີ່ຈະຊ່ວຍໃຫ້ເຮົາໄດ້ຊ່ວຍເຫຼືອຕົນເອງໄດ້ເມື່ອຍາມຈຳເປັນ ນອກຈາກການພຶ່ງພາຈາກແພດໝໍແລ້ວ
ອ້າງອີງ BIOTHAI