ຮໍຄວາຍ/Jwar-pat
APA 6th ed. ຮໍຄວາຍ/Jwar-pat. (2021, September 6). Retrieved from https://www.phakhaolao.la/index.php/kb/0001230
MLA 8th ed. ຮໍຄວາຍ/Jwar-pat. Pha Khao Lao, 6 September 2021, https://www.phakhaolao.la/index.php/kb/0001230.
Chicago 17th ed. Pha Khao Lao. 2021. "ຮໍຄວາຍ/Jwar-pat." Published September 6, 2021. https://www.phakhaolao.la/index.php/kb/0001230.
Berchemia laxa Wall. [Invalid]
ຈີນ: 多花勾兒茶 ແລະ 多花勾儿茶.
ອັງກິດ: Jwar-pat, Kalapag, ແລະ Amili.
ຫວຽດນາມ: Rung rúc nhiều hoa.
ລຳຕົ້ນເປັນລຳເຄືອຂະໜາດໃຫຍ່, ເນື້ອແຂງ, ເປືອກນອກແຂງ, ສີນ້ຳຕານເຖິງສີດຳ, ແຕກເປັນແຜ່ນ ຫຼື ແຕກເປັນຮ່ອງຕາມລວງຍາວ, ເປືອກໃນສີນ້ຳຕານ ຫຼື ເຫຼືອງ. ໃບດ່ຽວ, ອອກວຽນສະຫຼັບ, ຮູບຮີ ຫຼື ຮູບຫົວໃຈ, ກວ້າງ 1.5-3 ຊມ, ຍາວ 3-7 ຊມ, ໂຄນໃບມົນ, ຂອບລຽບ ຫຼື ເປັນຄື້ນເລັກຫນ້ອຍ, ປາຍແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ມີຂົນກະຈາຍບາງໆ. ກ້ານໃບຍາວຮຽວນ້ອຍໂຄ້ງງໍ, ຍາວ 1.5-2.5 ມມ. ຊໍ່ດອກແບບກະຈະ, ອອກບໍລິເວນປາຍກິ່ງ, ດອກຍ່ອຍຈຳນວນຫຼາຍ, ຂະໜາດນ້ອຍ, ສີຂາວ. ກາບດອກມີ 5 ກາບ, ສີຂຽວອ່ອນ ຫຼື ສີຂາວປົນສີເຫຼືອງ. ກີບດອກມີ 5 ກີບ, ສີເຫຼືອງ ຫຼື ສີຄີມ, ປາຍຮຽວ, ປາຍແຍກອອກຄ້າຍຊ້ອນ. ເກສອນເພດຜູ້ມີ 5 ອັນ, ກ້ານເກສອນມີສີຂາວອວບ, ຕິດບໍລິເວນໂຄນກີບດອກ, ຖົງລະອອງຮູບກົມ ຫຼື ຮູບຮີ. ເຕົ້າໄຂ່ຈັບເທິງ, ປາຍຮວງຮັບແຍກອອກເປັນຫຼາຍແສກ. ໝາກຮູບຊົງກະບອກ, ຍາວ 1-2 ຊມ, ຫົວ ແລະ ປາຍມົນ, ໝາກສຸກສີເຫຼືອງ. ແກ່ນມີ 1 ແກ່ນ.
ອາຫານ:
ໃບອ່ອນ: ໃຊ້ຊົງດື່ມແທນຊາ.
ສັບພະພະຄຸນ:
ຮາກ: ຕົ້ມດື່ມແກ້ໜີ້ວ ແລະ ຊ່ວຍບັນເທົາອາການປວດ.
ຮາກ ແລະ ເປືອກຕົ້ນ: ຕົ້ມດື່ມແກ້ອຳມະພາດ.
ລຳຕົ້ນ: ຕົ້ມດື່ມບຳລຸງຮ່າງກາຍ.
ເປືອກຕົ້ນ: ຕົ້ມດື່ມແກ້ລິດຊີດວງ,
ລຳຕົ້ນ ແລະ ໃບ: ຕົ້ມດື່ມແກ້ປວດ, ຊ່ວຍບຳລຸງກຳລັງ, ບຳລຸງກະດູກ ແລະ ຂໍ້, ບຳລຸງສະມັດຕະພາບທາງເພດທັງຍິງ ແລະ ຊາຍ.
ທັງຕົ້ນ: ຕົ້ມດື່ມເປັນຢາລະບາຍ, ແກ້ໜີ້ວໃນໝາກໄຂ່ຫຼັງ, ມີສານ phosphodiesterase ຢັບຢັ້ງເອັນໄຊມ໌ທີ່ມີຜົນຕໍ່ການຫົດຕົວຂອງກ້າມເນື້ອຫົວໃຈ, ຊ່ວຍມາຍກ້າມເນື້ອຫົວໃຈ, ມາຍກ້າມກ້ຽງ, ຊ່ວຍເສີມພູມຄຸ້ມກັນ ແລະ ຊ່ວຍໃນການແຂງຕົວຂອງອະໄວຍະເພດຊາຍ.
ຄຸນປະໂຫຍດ:
ໃບ ແລະ ຍອດອ່ອນ: ເປັນອາຫານຂອງກວາງ ແລະ ຊ້າງປ່າ.