ກ້ວຍໝູສັງ / Kuay Mou Sang

ລຳຕົ້ນເປັນເຄືອ, ມີຂະໜາດໃຫຍ່, ເນື້ອໄມ້ແຂງ, ກິ່ງອ່ອນມີຂົນສີນ້ຳຕານປົກຄຸມຢ່າງໜາແໜ້ນ. ໃບດ່ຽວ, ອອກຮຽງສະຫຼັບ, ຮູບໄຂ່ ຫຼື ຮູບຂອບຂະໜານ, ກ້ວາງ 4-6 ຊມ, ຍາວ 8-12 ຊມ, ໂຄນໃບມົນ ຫຼື ວ້ຳເລັກນ້ອຍ, ຂອບລຽບ, ປາຍແຫຼມ ຫຼື ຮຽວແຫຼມ, ແຜ່ນໃບໜາຄ້ານຄືໜັງ, ໜຽວ, ຜິວໃບດ້ານເທິງສີຂຽວເຂັ້ມ, ຜິວລຽບ ຫຼື ມີຂົນຕາມເສັ້ນກາງໃບ, ຜິວໃບດ້ານລຸ່ມສີຂຽວອ່ອນ, ມີຂົນສີນ້ຳຕານປົກຄຸມທົ່ວ. ຊໍ່ດອກແບບກະຈຸກ ຫຼື ດອກດ່ຽວ, ອອກຕາມປາຍຍອດ. ດອກຍ່ອຍມີ 1-3 ດອກ, ສີແດງ ຫຼື ສີແດງເຂັ້ມ, ມີກິ່ນຫອມ. ກາບດອກມີ 3 ກາບ, ຮູບໄຂ່, ມີຂົນສີນ້ຳຕານດ້ານນອກ. ກີບດອກມີ 6 ກີບຮຽງເປັນ 2 ວົງ, ຮູບໄຂ່ປີ້ນ. ເກສອນເພດຜູ້ຈັບເປັນກຸ່ມແໜ້ນ, ສີຂາວ. ໝາກກຸ່ມ, ໝາກຍ່ອມມີ 20-35 ໝາກ, ຮູບຮີ ຫຼື ຮູບຊົງກະບອກ, ມີຂົນກະຈາຍບາງໆ, ໝາກແກ່ເປັນສີເຫຼືອງ, ສຸກແລ້ວເປັນສີແດງ. ແກ່ນມີຈຳນວນຫຼາຍ.